Chinchwad: लॉकडाऊनच्या नियमांचे उल्लंघन करणाऱ्या 88 जणांवर पिंपरी-चिंचवड पोलिसांकडून कारवाई
Chinchwad: Pimpri-Chinchwad police take action against 88 persons लॉकडाऊन सुरु झाल्यापासून पोलिसांकडून ही कारवाई केली जात आहे.
एमपीसी न्यूज- पिंपरी-चिंचवड पोलिसांनी शनिवारी (दि. 27) प्रशासनाच्या आदेशाचे पालन न करणा-या 88 जणांवर कारवाई केली आहे.
तसेच महाराष्ट्र पोलीस कायद्यान्वये पिंपरी, चाकण, तळेगाव दाभाडे पोलीस ठाण्यात प्रत्येकी तीन, हिंजवडी पोलीस ठाण्यात दोन, चिंचवड, सांगवी पोलीस ठाण्यात प्रत्येकी एक असे एकूण 13 गुन्हे दाखल करण्यात आले आहेत.
लॉकडाऊन सुरु झाल्यापासून पोलिसांकडून ही कारवाई केली जात आहे. प्रशासनाने लॉकडाऊनच्या कालावधीत काही नियम घालून दिले आहेत. कोरोना विषाणूचा प्रादुर्भाव वाढू नये यासाठी खबरदारी म्हणून काही नियम पाळण्याचे आदेश प्रशासनाकडून देण्यात आले आहेत. या आदेशांचे उल्लंघन करणा-यांवर कारवाई केली जात आहे.
शनिवारी पिंपरी-चिंचवड पोलिसांनी भारतीय दंड विधान कलम 188 नुसार एमआयडीसी भोसरी (7), भोसरी (11), पिंपरी (20), चिंचवड (5), निगडी (5), आळंदी (6), चाकण (0), दिघी (4), म्हाळुंगे चौकी (0), सांगवी (5), वाकड (14), हिंजवडी (8), देहूरोड (0), तळेगाव दाभाडे (0), तळेगाव एमआयडीसी (0), चिखली (3), रावेत चौकी (0), शिरगाव चौकी (0) अशी एकूण 88 जणांवर कारवाई करण्यात आली आहे.
