Chinchwad Result : चिंचवड पोटनिवडणुकीत कोणाला मिळाली किती मते? जाणून घ्या उमेदवारांच्या मतांची टक्केवारी…
एमपीसी न्यूज – केंद्रीय निवडणूक आयोगाच्या अधिकृत (Chinchwad Result) संकेतस्थळावर चिंचवड विधानसभा मतदारसंघातील पोटनिवडणुकीचा अंतिम निकाल जाहीर झाला आहे.
चिंचवड मतदारसंघात भाजपच्या उमेदवार अश्विनी लक्ष्मण जगताप यांना 1,35,603 तर महाविकास आघाडीचे उमेदवार विठ्ठल तथा नाना काटे यांना 99,435 मते मिळाली आहे. अपक्ष उमेदवार राहुल कलाटे यांना 44,112 मतांवर समाधान मानावे लागले आहे.
या मतदारसंघात एकूण 28 उमेदवार रिंगणात होते. त्यापैकी 25 उमेदवारांना दोन आकडी किंवा फार-फार तर तीन आकडी मतांवर समाधान मानावे लागले आहे. 2730 मतदारांनी सर्वच्या सर्व उमेदवारांबाबत नापसंती नोंदविली आहे.
अ. क्र. | उमेदवाराचे नाव | पक्षाचे नाव | मिळालेली मते | टक्केवारी |
1 | अश्विनी लक्ष्मण जगताप | भाजप | 135,603 | 47.23 |
2 | विठ्ठल तथा नाना काटे | राष्ट्रवादी काँग्रेस पार्टी | 99,435 | 34.63 |
3 | राहुल कलाटे | अपक्ष | 44,112 | 15.36 |
4 | प्रफुल्ल मोटलिंग | महाराष्ट्र लोकहितवादी पार्टी | 379 | 0.13 |
5 | मनोज खंडागळे | आझाद समाज पार्टी | 174 | 0.06 |
६ | तुषार लोंढे | बहुजन भारत पार्टी | 122 | 0.04 |
7 | अड. सतीश कांबिये | बहुजन मुक्ती पार्टी | 115 | 0.04 |
8 | अजय लोंढे | अपक्ष | 106 | 0.04 |
9 | अनिल सोनवणे | अपक्ष | 45 | 0.02 |
10 | अमोल सूर्यवंशी | अपक्ष | 259 | 0.09 |
11 | किशोर काशीकर | अपक्ष | 316 | 0.11 |
12 | गोपाळ तंतरपाळे | अपक्ष | 439 | 0.15 |
13 | चंद्रकांत मोटे | अपक्ष | 48 | 0.02 |
14 | जावेद रशिद शेख | अपक्ष | 113 | 0.04 |
15 | दादाराव कांबळे | अपक्ष | 305 | 0.11 |
16 | बालाजी जगताप | अपक्ष | 340 | 0.12 |
17 | सुभाष बोधे | अपक्ष | 660 | 0.23 |
18 | डॉ. मिलिंदराजे भोसले | अपक्ष | 276 | 0.1 |
19 | मिलिंद कांबळे | अपक्ष | 97 | 0.03 |
20 | मोहन म्हस्के | अपक्ष | 82 | 0.03 |
21 | रफिक कुरेशी | अपक्ष | 184 | 0.06 |
22 | राजू उर्फ रविराज काळे | अपक्ष | 121 | 0.04 |
23 | सोयलशहा शेख | अपक्ष | 74 | 0.03 |
24 | श्रीधर साळवे | अपक्ष | 316 | 0.11 |
25 | सतीश सोनवणे | अपक्ष | 49 | 0.02 |
26 | सिद्दीक शेख | अपक्ष | 398 | 0.14 |
27 | सुधीर लक्ष्मण जगताप | अपक्ष | 112 | 0.04 |
28 | हरीश मोरे | अपक्ष | 117 | 0.04 |
29 | नोटा | 2731 | 0.95 | |
एकूण | 287,128 | 100 |
मतविभागणीचा फटका विरोधकांना –
झालेल्या एकूण 2,87,128 मतदानापैकी 47.23 टक्के मते मिळवून भाजपच्या अश्विनी जगताप यांनी विजयश्री खेचून आणली. महाविकास आघाडीच्या नाना काटे यांना 34.63 टक्के तर अपक्ष उमेदवार राहुल कलाटे यांना 15.36 टक्के मिळाल्याचे दिसून येत आहे.
याचाच अर्थ असा की, जगताप यांच्या विरोधात 52.77 टक्के मते नोंदविली गेली, मात्र ती (Chinchwad Result) विभागली गेल्यामुळे जगताप निवडून आल्या. काटे आणि कलाटे यांच्या मिळालेल्या मतांची टक्केवारी एकत्र केली तर ती 49.99 म्हणजेच जवळजवळ 50 टक्के होते. महाविकास आघाडीला बंडखोरी टाळण्यात यश आले असते, तर कदाचित वेगळा निकाल लागू शकला असता, असे आकडेवारीच्या विश्लेषणावरून दिसून येत आहे.
Kasaba Result : अभिजित बिचुकले आणि आनंद दवे यांना किती मते मिळाली?