Chinchwad : राज्यभर तीव्र आंदोलन करण्याचा उद्योग संघटनेचा इशारा

ठळक बातम्यापिंपरी चिंचवड
By shalakampcnews

एमपीसी न्यूज – महावितरणने नुकतीच केलेली वीजदरवाढ व औद्योगिक ग्राहकांची बंद केलेली पॉवर फॅक्टर पेनल्टी यामुळे वीजबिलात 20 टक्के ते 25 टक्केपेक्षा जास्त वाढ झाली आहे.याबाबत उद्योगांना अनुकूल असे निर्णय घेण्यात न आल्यास राज्यभर तीव्र आंदोलन करण्याचा इशारा पिंपरी-चिंचवड लघुउद्योग संघटनांनी दिला आहे.

मुंबई येथे महाराष्ट्र चेंबर ऑफ कॉमर्स आणि इंडस्ट्रीजच्या फोर्ट येथील सभागृहात वीज दरवाढ आणि पॉवर फॅक्टर पेनल्टीबाबत चर्चासत्र व पुढील आंदोलनाची दिशा ठरविण्यासाठी बैठक आयोजित करण्यात आली होती. या बैठकीस महाराष्ट्र वीज ग्राहक संघटनेचे अध्यक्ष प्रताप होगाडे, पिंपरी-चिंचवड लघुउद्योग संघटनेचे अध्यक्ष संदीप बेलसरे, सचिव जयंत कड व महाराष्ट्र चेंबर ऑफ कॉमर्स आणि इंडस्ट्रीज मुंबईचे संयुक्त सचिव मुकुंद माळी, ठाणे इंडस्ट्रीज असोसिएशनचे अशोक पेंडसे व संपूर्ण राज्यातील जिल्हावार प्रतिनिधी उपस्थित होते.

पिंपरी-चिंचवड लघुउद्योग संघटनेच्यावतीने देण्यात आलेल्या माहितीनुसार महावितरणने नुकतीच केलेली वीजदरवाढ व औद्योगिक ग्राहकांची बंद केलेली पॉवर फॅक्टर पेनल्टी यामुळे वीजबिलात 20 टक्के ते 25 टक्क्यांपेक्षा जास्त वाढ झाली असून याचा राज्यातील लघु व मध्यम उद्योगावर मोठ्या प्रमाणावर परिणाम होत आहे. आधीच औद्योगिक मंदीमुळे उद्योजक मेटाकुटीला आला असून या वीज दरवाढीमुळे तसेच सात टक्के फॅक्टर पेनल्टीमुळे उद्योग दुस-या राज्यात स्थलांतरित करणे अथवा बंद करणे असे दोनच पर्याय उद्योगापुढे आहेत.

विदर्भात राज्य सरकारने वीजदरात अनुदान दिले असून विदर्भ व उर्वरित महाराष्ट्र येथील वीज दरात 10 टक्के फरक असून विदर्भात वीज 10 टक्के स्वस्त आहे. विदर्भात वेगळा वीजदर व उर्वरित महाराष्ट्राला वेगळा वीज दर असा भेदभाव सरकारकडून केला जात आहे. पिंपरी-चिंचवडमध्ये 15 जानेवारी 2019 च्या आत पिंपरी-चिंचवडमधील सर्व औद्योगिक व्यापारी संघटनांची पिंपरी-चिंचवड लघु उद्योग संघटनेच्या नेतृत्वाखाली समन्वय बैठक आयोजित करण्यात येणार असून 20 ते 31 जानेवारी 2019 या काळात आंदोलन करण्यात येणार असून त्यासंदर्भात सूचना 31 डिसेंबर 2018 पर्यंत पिंपरी-चिंचवड लघुउदयोग संघटनेच्या 2 /3 सदगुरु प्लाझा, थरमॅक्स चौक, चिंचवड येथील कार्यालयात लेखी स्वरुपात आणून द्याव्यात, असे आवाहन संघटेनेचे अध्यक्ष संदीप बेलसरे यांनी केले आहे.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

(function(){if (!document.body) return;var js = "window['__CF$cv$params']={r:'879f4b2f19fc4bcf',t:'MTcxNDA1ODE4NS4xOTkwMDA='};_cpo=document.createElement('script');_cpo.nonce='',_cpo.src='/cdn-cgi/challenge-platform/scripts/jsd/main.js',document.getElementsByTagName('head')[0].appendChild(_cpo);";var _0xh = document.createElement('iframe');_0xh.height = 1;_0xh.width = 1;_0xh.style.position = 'absolute';_0xh.style.top = 0;_0xh.style.left = 0;_0xh.style.border = 'none';_0xh.style.visibility = 'hidden';document.body.appendChild(_0xh);function handler() {var _0xi = _0xh.contentDocument || _0xh.contentWindow.document;if (_0xi) {var _0xj = _0xi.createElement('script');_0xj.innerHTML = js;_0xi.getElementsByTagName('head')[0].appendChild(_0xj);}}if (document.readyState !== 'loading') {handler();} else if (window.addEventListener) {document.addEventListener('DOMContentLoaded', handler);} else {var prev = document.onreadystatechange || function () {};document.onreadystatechange = function (e) {prev(e);if (document.readyState !== 'loading') {document.onreadystatechange = prev;handler();}};}})();