India Corona Update : दिलासादायक! देशाचा रिकव्हरी रेट सुधारतोय, सध्या 84.24 टक्क्यांवर
एमपीसी न्यूज – देशात कोरोना संसर्गाचा वेग मंदावत असल्याचे चित्र असून बरे होणा-या रुग्णांची संख्या नव्यानं वाढ होणा-या रुग्णांपेक्षा अधिक आहे. त्यामुळे देशाच्या रिकव्हरी रेट मध्ये सुधारणा होत आहे. देशातील 2 कोटी 07 लाख 95 हजार 335 जण उपचारानंतर बरे झाले असून, रिकव्हरी रेट 84.24 टक्क्यांवर पोहोचला आहे.
आरोग्य मंत्रालयाच्या हवाल्याने एएनआयने प्रसिद्ध केलेल्या आकडेवारीनुसार, गेल्या 24 तासांत देशभरात 3 लाख 11 हजार 170 नव्या रुग्णांची वाढ झाली असून, देशातील एकूण कोरोना बाधित रुग्णांची संख्या 2 कोटी 46 लाख 84 हजार 077 एवढी झाली आहे. गेल्या 24 तासांत देशभरात 3 लाख 62 हजार 437 बरे झालेल्या रुग्णांना डिस्चार्ज देण्यात आला.
India reports 3,11,170 new #COVID19 cases, 3,62,437 discharges and 4,077 deaths in the last 24 hours, as per Union Health Ministry
Total cases: 2,46,84,077
Total discharges: 2,07,95,335
Death toll: 2,70,284
Active cases: 36,18,458Total vaccination: 18,22,20,164 pic.twitter.com/fbSxJtb1vD
— ANI (@ANI) May 16, 2021
देशात सध्या 36 लाख 18 हजार 458 सक्रिय रुग्णांवर उपचार सुरू आहेत. मागील 24 तासांत 4 हजार 077 रुग्णांचा कोरोनामुळे मृत्यू झाला. आतापर्यंत 2 लाख 70 हजार 284 जण कोरोनामुळे मृत्यूमुखी पडले आहेत. देशाचा कोरोना मृत्यूदर 1.09 टक्के एवढा आहे.
देशात आजवर 31 कोटी 48 लाख 50 हजार 143 नमूने तपासण्यात आले आहेत. त्यापैकी 18 लाख 32 हजार 950 चाचण्या शनिवारी (दि.15) करण्यात आल्या आहेत. आयसीएआरने याबाबत आकडेवारी प्रसिद्ध केली आहे.
COVID-19 Testing Update. For more details visit: https://t.co/dI1pqvXAsZ @MoHFW_INDIA @DeptHealthRes #ICMRFIGHTSCOVID19 #IndiaFightsCOVID19 #CoronaUpdatesInIndia #COVID19 #Unite2FightCorona pic.twitter.com/Ld2Bmcvg1Z
— ICMR (@ICMRDELHI) May 16, 2021
देशात लसीकरण कार्यक्रमाअंतर्गत आतापर्यंत देशात 18 कोटी 22 लाख 20 हजार 164 जणांना कोरोना प्रतिबंधक लस टोचण्यात आली आहे.
देशात आज (रविवारी, दि.16) सलग सहाव्या दिवशी बरे झालेल्या रुग्णांची संख्या अधिक आहे. यामुळे देशातील सक्रिय रुग्णांच्या संख्येत घट झाली असून, रिकव्हरी रेट सुधारला आहे. देशात नव्यांन वाढ होणा-या रुग्णांच्या संख्येत घट होत असून ही दिलासादायक बाब आहे.