India Corona Update : कोरोना विस्फोट ! 24 तासांत वाढले तब्बल 81 हजार 466 रुग्ण
एमपीसी न्यूज – देशात कोरोना रुग्णांची संख्या दिवसेंदिवस नवा उच्चांक गाठत आहे. गेल्या 24 तासांत देशात तब्बल 81 हजार 466 नव्या कोरोना बाधित रुग्णांची नोंद झाली. 2021 मधील ही उच्चांकी रुग्ण वाढ आहे. यासह देशातील एकूण कोरोना बाधित रुग्णांची संख्या 1 कोटी 23 लाख 03 हजार 131 एवढी झाली आहे.
India reports 81,466 new #COVID19 cases, 50,356 discharges, and 469 deaths in the last 24 hours, as per the Union Health Ministry.
Total cases: 1,23,03,131
Total recoveries: 1,15,25,039
Active cases: 6,14,696
Death toll: 1,63,396Total vaccination: 6,87,89,138 pic.twitter.com/QkmQxfpsNB
— ANI (@ANI) April 2, 2021
मागील 24 तासांत 469 रुग्णांचा कोरोनामुळे मृत्यू झाला. आतापर्यंत 1 लाख 63 हजार 396 जण कोरोनामुळे मृत्यूमुखी पडले आहेत. देशाचा कोरोना मृत्यूदर 1.32 टक्के एवढा आहे.
आयसीएआरने प्रसिद्ध केलेल्या आकडेवारीनुसार, देशात आजवर 24 कोटी 59 लाख 12 हजार 587 नमूने तपासण्यात आले आहेत. त्यापैकी 11 लाख 13 हजार 966 चाचण्या गुरुवारी (दि.01) करण्यात आल्या आहेत.
लसीकरण कार्यक्रमाअंतर्गत आतापर्यंत देशात 6 कोटी 87 लाख 89 हजार 168 जणांना कोरोना प्रतिबंधक लस टोचण्यात आली आहे. एक एप्रिल रोजी देशात तब्बल 36 लाख 71 हजार 242 जणांना कोरोना प्रतिबंधक लस टोचण्यात आली.