Corona World Update: जगातील कोरोना मृत्यूदर आता तीन टक्क्यांच्या खाली
सोमवारी नव्या कोरोना रुग्णांपेक्षा बऱ्या झालेल्या रुग्णांची संख्या जास्त, कोरोनामुक्तांचे प्रमाण 74.15 टक्क्यांवर, सक्रिय रुग्णांचे प्रमाण 22.85 टक्क्यांपर्यंत खाली.
एमपीसी न्यूज – जगभरात काल (सोमवारी) नव्या कोरोना रुग्णांपेक्षा बऱ्या झालेल्या रुग्णांची संख्या जास्त होती. दिवसभरात सुमारे दोन लाख 30 हजार नवीन कोरोना रुग्णांचे निदान झाले. त्याच वेळी दोन लाख 40 हजारांहून अधिक रुग्णांनी कोरोनावर मात केली. दुसरी एक दिलासादायक घटना म्हणजे जगातील कोरोनाचा मृत्यूदर तीन टक्क्यांच्या खाली आला आहे. कोरोनाबाधितांची एकूण संख्या तीन कोटी 35 लाखांच्या पुढे गेली आहे. आतापर्यंत दोन कोटी 48 लाखांपेक्षा अधिक रुग्णांनी कोरोनावर मात केली आहे. जगातील कोरोनामुक्तांचे प्रमाण आता 74.15 टक्के झाले आहे. मृत्यूदर 3 टक्क्यांपर्यंत तर सक्रिय रुग्णांचे प्रमाण सुमारे 22.85 टक्क्यांपर्यंत खाली आले आहे.
जगातील कोरोनाचा संसर्ग झालेल्यांची एकूण संख्या 3 कोटी 35 लाख 49 हजार 873 झाली असून आतापर्यंत एकूण 10 लाख 06 हजार 379 (2.99 टक्के) कोरोनाबाधितांचा मृत्यू झाला आहे. आतापर्यंत 2 कोटी 48 लाख 78 हजार 124 (74.15 टक्के) रुग्ण कोरोनामुक्त झाले आहेत. जगात आता कोरोनाचे 76 लाख 65 हजार 370 (22.85 टक्के) इतके सक्रिय रुग्ण आहेत. त्यापैकी 76 लाख 52 (99.15 टक्के) रुग्णांचा आजार सौम्य स्वरूपाचा असून 65 हजार 318 (0.85 टक्के) रुग्णांची प्रकृती गंभीर अथवा चिंताजनक आहे.
मागील सात दिवसांतील नवीन कोरोनाबाधित रुग्णांची व नवीन मृतांची संख्या पुढीलप्रमाणे आहे.
22 सप्टेंबर – नवीन कोरोनाबाधित 3 लाख 15 हजार 717, नवीन कोरोनामुक्त 2 लाख 81 हजार 954, मृत्यू 6 हजार 333
23 सप्टेंबर – नवीन कोरोनाबाधित 3 लाख 16 हजार 036 , नवीन कोरोनामुक्त 2 लाख 81 हजार 929, मृत्यू 6 हजार 333
24 सप्टेंबर – नवीन कोरोनाबाधित 3 लाख 14 हजार 855, नवीन कोरोनामुक्त 2 लाख 48 हजार 373, मृत्यू 5 हजार 872
25 सप्टेंबर – नवीन कोरोनाबाधित 3 लाख 18 हजार 804, नवीन कोरोनामुक्त 2 लाख 49 हजार 323, मृत्यू 5 हजार 818
26 सप्टेंबर – नवीन कोरोनाबाधित 2 लाख 94 हजार 650, नवीन कोरोनामुक्त 2 लाख 34 हजार 123, मृत्यू 5 हजार 306
27 सप्टेंबर – नवीन कोरोनाबाधित 2 लाख 51 हजार 915, नवीन कोरोनामुक्त 2 लाख 27 हजार 194, मृत्यू 3 हजार 873
28 सप्टेंबर – नवीन कोरोनाबाधित 2 लाख 30 हजार 547, नवीन कोरोनामुक्त 2 लाख 40 हजार 785, मृत्यू 3 हजार 837
कोरोनाबाधित प्रमुख देशातील कोरोनाबाधितांची संख्या, मृतांची संख्या व कोरोनामुक्तांची संख्या पुढीलप्रमाणे आहे. कंसात एक दिवसात झालेली वाढ दर्शविली आहे.
