Pimpri: पालिकेत भंडा-या उधळणा-या 200 अज्ञातांवर गुन्हा
एमपीसी न्यूज – पिंपरी-चिंचवडच्या महापौर, उपमहापौर निवडीनंतर कार्यकर्त्यांना मुक्त हाताने भंडा-यांची उधळण केली होती. त्यातच पावसाचा शिडकावा झाल्याने भंडा-याचा चिखल होऊन चिखलावरुन पडल्याने 17 ते 18 जण जायबंदी झाले होते. याप्रकरणी भंडारा उधळणा-या 200 अज्ञातांवर पिंपरी ठाण्यात गुन्हा दाखल करण्यात आला आहे.
याबाबत महापालिकेच्या कर्मचा-याने फिर्याद दिली असून त्यानुसार 200 अज्ञातांवर गुन्हा दाखल करण्यात आला असल्याचे, आयुक्त श्रावण हर्डीकर यांनी सांगितले. पिंपरी-चिंचवडच्या महापौर निवडीनंतर भाजपच्या उत्साही कार्यकर्त्यांनी मुक्त हाताने भंडा-यांची उधळण केल्यामुळे पालिका भंडा-यात न्हाऊन गेली होती. यामुळे पालिकेसह सर्वत्र अस्वच्छता झाली होती. त्यामुळे पालिकेचे विद्रुपीकरण झाल्याची तक्रार पिंपरी ठाण्यात दिली होती. त्यानुसार 200 अज्ञातांवर गुन्हा दाखल करण्यात आला आहे.न