Crypto Currency Fraud: ‘क्रिप्टो’ करन्सीमध्ये गुंतवणूक करण्यास सांगून तरुणाची फसवणूक
एमपीसी न्यूज – क्रिप्टो करन्सीमध्ये गुंतवणूक करायला सांगून तरुणाची लाखो रूपयांची फसवणूक करण्यात आली आहे.(Crypto Currency Fraud) या प्रकरणाची हिंजवडी पोलीस ठाण्यात तक्रार दाखल करण्यात आली आहे. क्रिप्टो करन्सीमध्ये गुंतवणूक करायला सांगून तरुणाला तब्बल 1 लाख 98 हजार 256 रुपयांचा गंडा घालण्यात आला आहे. हा प्रकार नेरे,येथील एक्सबेरिया सोसायटीमध्ये घडला. याबाबत योगेश दत्तात्रय शिंदे ( वय 21, एक्सबेरिया सोसायटी दत्तवाडी मुळशी) याने हिंजवडी पोलीस ठाण्यात फिर्याद दिली आहे. त्यानुसार अशोक कैलास कुरडुले रा.बीड) आणि माणिक राठोड (रा. बीड यांच्यावर गुन्हा दाखल करण्यात आला आहे. योगेश शिंदे व आरोपींची ओळख आहे. आरोपींनी योगेश याला फोनवर व वेळोवेळी भेटायला बोलवून सीबीएक्स बुलटोकन या क्रिप्टो करन्सी मध्ये पैसे गुंतवायला सांगितले. त्याच्याकडील 5 लाख 62 हजार रुपये रक्कम त्यांनी घेतली. फिर्यादी योगेश आणि आरोपी यांच्यामध्ये झालेल्या करारनाम्यानुसार काही रक्कम परत दिली. परंतु क्रिप्टोकॉइनच्या आजच्या रकमेप्रमाणे एक लाख 98 हजार 256 रुपये फिर्यादी योगेश याला दिले नाही.(Crypto Currency Fraud) तसेच ही रक्कम देण्यास टाळाटाळ करून योगेशची फसवणूक केली. या प्रकरणाचा अधिक तपास हिंजवडी पोलिस करीत आहेत. .. |