Dapodi: विद्युत समस्या; व्हॉल्व नादुरुस्त झाल्याने पाणीपुरवठा विस्कळीत
एमपीसी न्यूज – दापोडी येथील पाण्याच्या टाकीवरील विद्युतची समस्या निर्माण झाल्याने आणि व्हॉल्व नादुरुस्त झाल्याने आज (शनिवार)चा पाणीपुरवठा विस्कळीत राहणार आहे. त्यामुळे सुमारे तीन तास उशिराने पाणीपुरवठा होणार आहे.
मावळातील पवना धरणातून पिंपरी-चिंचवडकरांना पाणीपुरवठा केला जातो. रावेत येथील बंधा-यातून अशुद्ध जलउपसा करण्यात येतो. सेक्टर 23 येथे पाणी शुद्ध करुन शहरवासियांना पाणीपुरवठा केला जातो.
दापोडी येथील पाण्याच्या टाकीवरील विद्युतची समस्या निर्माण झाली आहे. तसेच येणा-या पाण्याच्या पाईपलाईनचा व्हॉल्व नादुरुस्त झाला आहे. त्यामुळे आज शनिवारचा पाणीपुरवठा विस्कळीत राहणार आहे. सुमारे तीन तास उशिराने पाणीपुरवठा होणार असल्याचे महापालिकेच्या पाणीपुरवठा विभागाने कळविले आहे.
