Dehuroad : कॅन्टोन्मेंट हद्दीत आज 30 नवीन कोरोना रुग्ण; 7 रुग्णांना डिस्चार्ज
आजपर्यंत हद्दीत एकूण 532 पॉझिटिव्ह रुग्ण आढळून आल्याचे कॅन्टोन्मेंट प्रशासनाकडून सांगण्यात आले. : 30 new corona patients today in the cantonment boundary; Discharge to 7 patients
एमपीसीन्यूज : देहूरोड कॅन्टोन्मेंट बोर्ड हद्दीतील झेंडे मळा, शिवाजीनगर, आंबेडकर नगर, दत्तनगर, किन्हई, शितळानगर नं. 1 व 2, चिंचोली, थॉमस कॉलनी, बरलोटा नगर, श्रीविहार, पराग अपार्टमेंट, एम बी कॅम्प , मामुर्डी या भागात आज, मंगळवारी एका दिवसात 30 नवीन कोरोना पॉझिटिव्ह रुग्णांची नोंद झाली. दरम्यान, आज तब्बल 7 रुग्णांना डिस्चार्ज देण्यात आला.
आजपर्यंत हद्दीत एकूण 532 पॉझिटिव्ह रुग्ण आढळून आल्याचे कॅन्टोन्मेंट प्रशासनाकडून सांगण्यात आले.
देहूरोड कॅन्टोन्मेंट बोर्ड प्रशासनाच्या वतीने आज, मंगळवारी सायंकाळी सात वाजेपर्यंतचा कोरोना अहवाल प्रसिद्धीस दिला आहे.
त्यामध्ये कॅन्टोन्मेंट बोर्ड हद्दीत 30 नवीन कोरोना बाधित रुग्णांची नोंद झाल्याचे म्हटले आहे.
रुग्णवाढीचे प्रमाण झोपडपट्टी भाग आणि गावठाण भागातील असल्याचे या अहवालातून स्पष्ट होत आहे.
आजपर्यंत कॅन्टोन्मेंट हद्दीत एकूण 532 पॉझिटिव्ह रुग्ण आढळून आले. यापैकी सध्या 31 ग्ण रुग्णालयात दाखल आहेत.
95 जण होम आयसोलेशनमध्ये आहेत. रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे.
महात्मा गांधी कोविड केअर सेंटर येथे 21 रुग्ण उपचार घेत आहे. हद्दीतील कोरोना मृतांची संख्या 15 इतकी आहे.
दरम्यान, आज 7 रुग्णांना घरी सोडण्यात आले. आजपर्यंत कोरोना आजारातून बरे झालेल्या एकूण 367 रुग्णांना घरी सोडण्यात आल्याचे वैद्यकीय अधिकारी डॉ. सुनीता जोशी यांनी सांगितले.
