Dehuroad : कॅन्टोन्मेंट बोर्ड हद्दीत आज 10 नवीन रुग्णांची नोंद ; आजपर्यंतच्या कोरोना रुग्णांचा आकडा 150
Cantonment Board registers 10 new patients today; The number of corona patients to date is 150: महात्मा गांधी कोविड केअर सेंटर येथे 37, तर किवळे येथील सिम्बॉयसिस कोविड सेंटर येथे एक रुग्ण उपचार घेत आहे
एमपीसीन्यूज : देहूरोड कॅन्टोन्मेंट बोर्ड हद्दीतील चिंचोली, संकल्प नगरी सोसायटी, समर्थ नगरी, शगुन सोसायटी आज, सोमवारी एकूण 10 नवीन कोरोना पॉझिटिव्ह रुग्णांची नोंद झाली आहे. त्यामुळे आजपर्यंत हद्दीत एकूण 150 पॉझिटिव्ह रुग्ण आढळून आल्याचे कॅन्टोन्मेंट प्रशासनाकडून सांगण्यात आले.
देहूरोड कॅन्टोन्मेंट बोर्ड प्रशासनाच्या वतीने आज, सोमवारी सायंकाळी सात वाजेपर्यंतचा कोरोना अहवाल प्रसिद्धीस दिला आहे. त्यामध्ये कॅन्टोन्मेंट बोर्ड हद्दीत आज 10 नवीन कोरोना बाधित रुग्णांची नोंद झाल्याचे म्हटले आहे.
तर कोरोनातून बरे झालेल्या एका रुग्णाला घरी सोडण्यात आले. आजपर्यंत हद्दीत एकूण 150 पॉझिटिव्ह रुग्ण आढळून आले.
यापैकी सध्या 25 रुग्ण रुग्णालयात दाखल असून, 23 जण होम आयसोलेशनमध्ये आहेत. रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे.
महात्मा गांधी कोविड केअर सेंटर येथे 37, तर किवळे येथील सिम्बॉयसिस कोविड सेंटर येथे एक रुग्ण उपचार घेत आहे. या सर्वांची प्रकृती चांगली असल्याचे कॅन्टोन्मेंट बोर्ड प्रशासनाच्या अहवालात म्हटले आहे.
दरम्यान, आजपर्यंत कोरोना आजारातून बरे झालेल्या एकूण 60 रुग्णांना घरी सोडण्यात आले असून, फक्त कॅन्टोन्मेंट बोर्ड हद्दीतील 4 रुग्णांचा कोरोनामुळे मृत्यू झाला असल्याचे वैद्यकीय अधिकारी डॉ. सुनीता जोशी यांनी सांगितले.
