Dehuroad Corona Update : कॅन्टोन्मेंट हद्दीत आज 18 रुग्णांची नोंद, 6 जणांना डिस्चार्ज
एमपीसी न्यूज – देहूरोड कॅन्टोन्मेंट हद्दीत आज, शनिवारी ( दि.29) 18 नव्या कोरोना बाधित रुग्णांची नोंद झाली. तर कोरोनातून बरे झालेल्या 6 जणांना डिस्चार्ज देण्यात आला. सध्या 105 सक्रिय रुग्णांवर उपचार सुरू आहेत.
देहूरोड कॅन्टोन्मेंट बोर्डाच्या वतीने शनिवारी ( दि.29) सायंकाळी साडे सहा वाजता कोरोना अहवाल प्रसिद्ध करण्यात आला.
या अहवालानुसार आजपर्यंत कॅन्टोन्मेंट हद्दीत एकूण 2761 कोरोना बाधित रुग्ण आढळले आहेत, त्यापैकी 2 हजार 589 जण उपचारानंतर बरे झाले आहेत. आज 6 जणांना डिस्चार्ज देण्यात आला.
हद्दीत आजवर 67 कोरोना रुग्णांचा मृत्यू झाला आहे. सध्या 105 सक्रिय रुग्ण असून, त्यापैकी सध्या 23 रुग्ण रुग्णालयात दाखल आहेत. तर, 56 रुग्ण होम आयसोलेट आहेत तर, 22 रुग्णांवर महात्मा गांधी स्कूलमधील कोविड सेंटरमध्ये उपचार सुरू आहेत. पुणे शहरातील कोविड सेंटरमध्ये 4 रुग्ण दाखल आहेत.
आज आढळलेले नवीन रुग्ण
शितलानगर नं .1 (2), चिंचोली (4), श्रीकृष्णनगर (1) गार्डन सिटी (1), थॉमस कॉलनी (बालिका आश्रम जवळ आणि लाईन्स क्लब कॉलेज ) (4) , मेन बाजार (1), अशोक नगर (1), आंबेडकर नगर (2), किन्हाई (2).
