Dehuroad Corona Update : कॅन्टोन्मेंट हद्दीत आज 35 रुग्णांना डिस्चार्ज; 27 पॉझिटिव्ह रुग्णांची भर
आजपर्यंत एकूण 633 रुग्ण उपचारातून बरे झाल्याने त्यांना घरी सोडण्यात आले.
एमपीसीन्यूज : देहूरोड कॅन्टोन्मेंट बोर्ड हद्दीत आज, शुक्रवारी आज एकच दिवशी 35 रुग्णांना डिस्चार्ज देण्यात आला. तर चिंचोली (6) थॉमस कॉलनी (5), सिद्धिविनायक नगरी (4) मामुर्डी आणि झेंडे मळा (3), गांधीनगर (2) श्रीकृष्ण नगर, मेहता पार्क, दत्त नगर, व शेलारवाडी येथील प्रत्येकी एक अशा एकूण 27 कोरोना पॉझिटिव्ह रुग्णांची नोंद झाल्याची माहिती कॅन्टोन्मेंट बोर्ड वैद्यकीय विभागाच्यावतीने देण्यात आली.
आजपर्यंत हद्दीत एकूण 797 कोरोना पॉझिटिव्ह रुग्ण आढळून आल्याचे कॅन्टोन्मेंट प्रशासनाकडून सांगण्यात आले.
देहूरोड कॅन्टोन्मेंट बोर्ड प्रशासनाच्या वतीने आज,शुक्रवारी रात्री आठ वाजेपर्यंतचा कोरोना अहवाल प्रसिद्धीस दिला आहे. आज 35 रुग्णांना डिस्चार्ज देण्यात आला.
आजपर्यंत एकूण 633 रुग्ण उपचारातून बरे झाल्याने त्यांना घरी सोडण्यात आले.
त्यामध्ये कॅन्टोन्मेंट बोर्ड हद्दीत 27 नवीन कोरोना बाधित रुग्णांची नोंद झाल्याचे म्हटले आहे. आजपर्यंत कॅन्टोन्मेंट हद्दीत एकूण 797 पॉझिटिव्ह रुग्ण आढळून आले.
यापैकी सध्या 26 रुग्ण रुग्णालयात दाखल आहेत.
महात्मा गांधी कोविड केअर सेंटरमध्ये 57 रुग्णांना, हिंजवडी येथील विप्रो कोविड केअर सेंटर येथे एक आणि देहूगावातील कोविड केअर सेंटर येथे तीन रुग्णांवर उपचार सुरु आहेत.
54 रुग्ण होम आयसोलेशनमध्ये आहेत. रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे.
दरम्यान, हद्दीतील कोरोना मृतांची संख्या 20 इतकी झाली आहे.
