Dehuroad Corona Update : चिंचोलीत रुग्णवाढ कायम; हद्दीत आज 8 पॉझिटिव्ह रुग्णांची नोंद
एमपीसीन्यूज : देहूरोड कॅन्टोन्मेंट बोर्ड हद्दीत आज, शनिवारी एकूण 8 नवीन कोरोना बाधित रुग्णांची नोंद झाली आहे. यामध्ये एकट्या चिंचोलीतील 4 रुग्णांचा समावेश असून शितळानगर क्रमांक 1 आणि मेन बाजार येथील प्रत्येकी एक आणि पंडित चाळ येथील दोन रुग्णांचा समावेश आहे.
बोर्ड प्रशासनाच्या वतीने आज, शनिवारी सायंकाळी साडे पाच वाजेपर्यंतचा कोरोना अहवाल प्रसिद्धीस दिला आहे. या अहवालानुसार, आजपर्यंत हद्दीत एकूण 1264 कोरोना पॉझिटिव्ह रुग्ण आढळून आले. आजपर्यंत एकूण 1182 रुग्ण उपचारातून बरे झाल्याने त्यांना घरी सोडण्यात आले.
तर होम आयसोलेशन मधील रुग्णांची संख्या 16 असल्याचे कॅन्टोन्मेंट बोर्डाच्या आरोग्य विभागाकडून सांगण्यात आले.
महात्मा गांधी कोविड केअर सेंटरमध्ये 22 रुग्णांवर, तर पीसीएमसी कोविड सेंटर येथे एका रुग्णावर उपचार सुरु आहेत. सध्या 48 ॲक्टिव्ह रुग्ण आहेत. यापैकी 9 रुग्ण रुग्णालयात दाखल आहेत.
रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे. हद्दीतील कोरोना मृतांची संख्या आता 34 इतकी झाली आहे.
