Dehuroad Corona Update : कॅन्टोन्मेंट हद्दीत आज 15 रुग्णांना डिस्चार्ज ; 9 पॉझिटिव्ह  रुग्णांची भर

एमपीसीन्यूज : देहूरोड कॅन्टोन्मेंट बोर्ड हद्दीत आज, सोमवारी सिद्धिविनायक नगरी येथे 3, चिंचोली येथे 2, तर वृंदावन सोसायटी, झेंडेमळा, बरलोटा नगर, श्रीकृष्ण नगर येथे प्रत्येकी एक अशा एकूण 9 पॉझिटिव्ह  रुग्णांची भर पडली. तसेच कोरोनाच्या उपचाराने बरे झालेल्या 15 रुग्णांना डिस्चार्ज देण्यात आल्याची माहिती कॅन्टोन्मेंट बोर्डाच्या आरोग्य विभागाकडून देण्यात आली.

आजपर्यंत हद्दीत एकूण 1085 कोरोना पॉझिटिव्ह रुग्ण आढळून आल्याचे कॅन्टोन्मेंट प्रशासनाकडून सांगण्यात आले.

देहूरोड कॅन्टोन्मेंट बोर्ड प्रशासनाच्या वतीने आज, सोमवारी रात्री साडे आठ वाजेपर्यंतचा कोरोना अहवाल प्रसिद्धीस  दिला आहे.

त्यामध्ये कॅन्टोन्मेंट बोर्ड हद्दीत 9 नवीन रुग्णांची नोंद झाल्याचे म्हटले आहे. आजपर्यंत कॅन्टोन्मेंट हद्दीत  एकूण 1085 पॉझिटिव्ह रुग्ण आढळून आले.

आज 15 रुग्णांना डिस्चार्ज देण्यात आला. तर आजपर्यंत एकूण 965 रुग्ण उपचारातून बरे झाल्याने त्यांना घरी सोडण्यात आले. सध्या 93ॲक्टिव्ह रुग्ण आहेत. यापैकी सध्या 7 रुग्ण रुग्णालयात दाखल आहेत.

महात्मा गांधी कोविड केअर सेंटरमध्ये 30 रुग्णांवर उपचार सुरु आहेत. तर पिंपरी चिंचवड महापालिका कोविड सेंटरमध्ये 2 रुग्णावर उपचार सुरु आहेत. तसेच पुणे रेल्वेच्या कोविड सेंटरमध्ये एका रूग्णावर उपचार सुरु आहेत.

होम आयसोलेशनमध्ये 50 रुग्ण आहेत. रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे.

दरम्यान, हद्दीतील कोरोना मृतांची संख्या 27 इतकी आहे.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.