Dehuroad Corona Update : कॅन्टोन्मेंट बोर्ड हद्दीत 22 जणांना डिस्चार्ज; आज नवीन रुग्णांची नोंद नाही
एमपीसीन्यूज : देहूरोड कॅन्टोन्मेंट बोर्ड हद्दीत आज, सोमवारी 22 रुग्ण कोरोनामुक्त झाल्याने त्यांना डिस्चार्ज देण्यात आला. दरम्यान, आज कोरोनाचा नवीन रुग्ण आढळला नसल्याची माहिती देहूरोड कॅन्टोन्मेंट बोर्डाच्या आरोग्य विभागाकडून देण्यात आली.
आजपर्यंत हद्दीत एकूण 1200 कोरोना पॉझिटिव्ह रुग्ण आढळून आले.
देहूरोड कॅन्टोन्मेंट बोर्ड प्रशासनाच्या वतीने आज, सोमवारी सहा सात वाजेपर्यंतचा कोरोना अहवाल प्रसिद्धीस दिला आहे.
कोरोनातून बरे झालेल्या 22 रुग्णांना घरी सोडण्यात आले. आजपर्यंत एकूण 1098 रुग्ण उपचारातून बरे झाल्याने त्यांना घरी सोडण्यात आले. तर होम आयसोलेशन मधील रुग्णांची संख्या 55 असल्याचे कॅन्टोन्मेंट बोर्डाच्या आरोग्य विभागाकडून सांगण्यात आले.
महात्मा गांधी कोविड केअर सेंटरमध्ये 11 रुग्णांवर उपचार सुरु आहेत. सध्या 76 ॲक्टिव्ह रुग्ण आहेत. यापैकी 10 रुग्ण रुग्णालयात दाखल आहेत.
रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे. हद्दीतील कोरोना मृतांची संख्या आता 33 इतकी झाली आहे.