Dehuroad Corona Update : कॅंटोन्मेंट हद्दीत 9 कोरोनामुक्त रुग्णांना डिस्चार्ज
एमपीसीन्यूज : देहूरोड कॅन्टोन्मेंट बोर्ड हद्दीत आज, सोमवारी एकूण नऊ कोरोनामुक्त रुग्णांना डिस्चार्ज देण्यात आला. दरम्यान, आज नवीन कोरोना पॉझिटिव्ह रुग्णांची नोंद झाली नसल्याची माहिती कॅंटोन्मेंट प्रशासनाकडून देण्यात आली.
कॅन्टोन्मेंट प्रशासनाने आज, सोमवारी सायंकाळी सहा वाजेपर्यंतचा कोरोना अहवाल प्रसिद्धीस दिला आहे. या अहवालानुसार, आजपर्यंत हद्दीत एकूण 1312 कोरोना पॉझिटिव्ह रुग्ण आढळून आले. त्यातील एकूण 1270 रुग्ण उपचारातून बरे झाल्याने त्यांना घरी सोडण्यात आले.
तर होम आयसोलेशन मधील रुग्णांची संख्या 2 असल्याचे कॅन्टोन्मेंट बोर्डाच्या आरोग्य विभागाकडून सांगण्यात आले.
महात्मा गांधी कोविड सेंटरमध्ये एकही रुग्ण उपचारासाठी दाखल नाही. तर हद्दीत 7 ॲक्टिव्ह रुग्ण आहेत. यापैकी 5 रुग्ण रुग्णालयात दाखल आहेत. कोरोनामुळे आजपर्यंत 35 रुग्णांचा मृत्यू झाला आहे.
रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे.
