Dehuroad Corona Update : मेन बाजारात दोन नव्या रुग्णांची नोंद; कोरोनामुक्त दोन रुग्णांना डिस्चार्ज
एमपीसी न्यूज : देहूरोड कॅन्टोन्मेंट बोर्ड हद्दीत आज (सोमवारी ) मेन बाजारातील दीपक आईस फॅक्टरी परिसरात दोन कोरोना पॉझिटिव्ह रुग्णांची नोंद झाली. त्यामुळे हद्दीतील कोरोनाच्या सक्रिय रुग्णांची संख्या 10 इतकी झाली आहे. तर कोरोनामुक्त झालेल्या दोन रुग्णांना आज डिस्चार्ज देण्यात आल्याची माहिती कॅन्टोन्मेंट बोर्ड प्रशासनाने दिली.
कॅन्टोन्मेंट प्रशासनाने आज, सायंकाळी सहा वाजता प्रसिद्ध केलेल्या आकडेवारीनुसार, आजपर्यंत हद्दीत एकूण 1360 कोरोना पॉझिटिव्ह रुग्ण आढळून आले.
त्यातील एकूण 1315 रुग्ण उपचारातून बरे झाल्याने त्यांना घरी सोडण्यात आले आहे. होम आयसोलेशनमध्ये 7 रुग्ण असून हद्दीत एकूण 10 सक्रिय रुग्ण आहेत. आज कोरोना मुक्त झालेल्या दोन रुग्णांना डिस्चार्ज देण्यात आल्याचे कॅन्टोन्मेंट बोर्डाच्या आरोग्य विभागाकडून सांगण्यात आले.
सीजिएच कोविड सेंटरमध्ये सध्या एकही रुग्ण दाखल नाही. कोरोनामुळे आजपर्यंत 35 रुग्णांचा मृत्यू झाला आहे.
