Dehuroad Corona Update : कॅन्टोमेन्ट हद्दीत एक पॉझिटिव्ह; एक कोरोनामुक्त
एमपीसीन्यूज : देहूरोड कॅन्टोन्मेंट बोर्ड हद्दीत कोरोना पॉझिटिव्ह रुग्णांमध्ये मोठ्याप्रमाणात घट झाली आहे. तसेच कोरोना मृतांचा आकडाही 34 वर थांबलेला आहे, ही देहूरोडकरांसाठी दिलासादायक बाब आहे. आज, बुधवारी कोरोनामुक्त झालेल्या एका रुग्णाला डिस्चार्ज देण्यात आला. तर एका नवीन कोरोना पॉझिटिव्ह रुग्णांची नोंद झाली. यामध्ये बारलोटा नगर येथील रुग्णाचा समावेश आहे.
बोर्ड प्रशासनाच्या वतीने आज, बुधवारी सायंकाळी पाच वाजेपर्यंतचा कोरोना अहवाल प्रसिद्धीस दिला आहे. या अहवालानुसार, आजपर्यंत हद्दीत एकूण 1273 कोरोना पॉझिटिव्ह रुग्ण आढळून आले. आजपर्यंत एकूण 1191 रुग्ण उपचारातून बरे झाल्याने त्यांना घरी सोडण्यात आले.
तर होम आयसोलेशन मधील रुग्णांची संख्या 18 असल्याचे कॅन्टोन्मेंट बोर्डाच्या आरोग्य विभागाकडून सांगण्यात आले.
महात्मा गांधी कोविड केअर सेंटरमध्ये 21 रुग्णांवर उपचार सुरु आहेत. सध्या 48 ॲक्टिव्ह रुग्ण आहेत. यापैकी 9 रुग्ण रुग्णालयात दाखल आहेत.
रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे. हद्दीतील कोरोना मृतांची संख्या आता 34 इतकी झाली आहे.
