Dehuroad Corona Update : कॅन्टोन्मेंट हद्दीत 19 नवीन रुग्णांची नोंद ; आजपर्यंतची एकूण रुग्णसंख्या 995
आजपर्यंत एकूण 811रुग्ण उपचारातून बरे झाल्याने त्यांना घरी सोडण्यात आले. सध्या 157 ॲक्टिव्ह रुग्ण आहेत.
एमपीसीन्यूज : देहूरोड कॅन्टोन्मेंट बोर्ड हद्दीत शेलारवाडी येथे 5, सिद्धिविनायक नगरी येथे 4, सौदागर नगरी आणि पारशी चाळ येथे प्रत्येकी 3, किन्हई येथे 2, तर अशोकनगर चिंचोली आणि अलंकापुरी येथे प्रत्येकी 1 अशा एकूण 19 नवीन कोरोना पॉझिटिव्ह रुग्णांची आज, शनिवारी नोंद झाली.
तर कोरोनावर यशस्वी मात केलेल्या एका रुग्णाला डिस्चार्ज देण्यात आल्याची माहिती कॅन्टोन्मेंट बोर्डाच्या आरोग्य विभागाकडून देण्यात आली.
आजपर्यंत हद्दीत एकूण 995 कोरोना पॉझिटिव्ह रुग्ण आढळून आल्याचे कॅन्टोन्मेंट प्रशासनाकडून सांगण्यात आले.
देहूरोड कॅन्टोन्मेंट बोर्ड प्रशासनाच्या वतीने आज, शनिवारी सायंकाळी 7.30 वाजेपर्यंतचा कोरोना अहवाल प्रसिद्धीस दिला आहे.
त्यामध्ये कॅन्टोन्मेंट बोर्ड हद्दीत 19 नवीन रुग्णांची नोंद झाल्याचे म्हटले आहे. आजपर्यंत कॅन्टोन्मेंट हद्दीत एकूण 995 पॉझिटिव्ह रुग्ण आढळून आले.
आज, एका रुग्ण कोरोनातून बरा झाल्याने त्याला डिस्चार्ज देण्यात आला. आजपर्यंत एकूण 811रुग्ण उपचारातून बरे झाल्याने त्यांना घरी सोडण्यात आले. सध्या 157 ॲक्टिव्ह रुग्ण आहेत.
यापैकी सध्या 15 रुग्ण रुग्णालयात दाखल आहेत.
महात्मा गांधी कोविड केअर सेंटरमध्ये 58 रुग्णांवर उपचार सुरु आहेत. यामध्ये कॅन्टोन्मेंट हद्दीतील 36 आणि हद्दीबाहेरील 22 रुग्णांचा समावेश आहे. तर पिंपरी चिंचवड महापालिका कोविड सेंटरमध्ये 4 रुग्णावर उपचार सुरु आहेत.
102 रुग्ण होम आयसोलेशनमध्ये आहेत. रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे.
दरम्यान, हद्दीतील कोरोना मृतांची संख्या 27 इतकी आहे.