Dehuroad Crime : गहाण ठेवलेली कार मूळ मालकाच्या नकळत परस्पर विकली
एमपीसी न्यूज – गहाण ठेवलेली कार मूळ मालकाच्या नकळत परस्पर विकली. याबाबत एकावर फसवणुकीचा गुन्हा दाखल करण्यात आला आहे. हा प्रकार 24 मार्च 2020 ते 12 नोव्हेंबर 2020 या कालावधीत देहूरोड येथे घडला.
मिलन उर्फ मिलिंद गोसावी (रा. कात्रज, पुणे) असे गुन्हा दाखल झालेल्या व्यक्तीचे नाव आहे. याबाबत संजय धोंडीराम वंजारी (वय 51, रा. देहूगाव) यांनी गुरुवारी (दि. 12) देहूरोड पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी संजय यांनी त्यांची पाच सीटर इको कार (एम एच 12 / जी के 0737) आरोपी मिलिंदकडे 40 हजार रुपयांना गहाण ठेवली. त्याची दरमहा चार हजार रुपयांप्रमाणे संजय परतफेड करत होते. असे असताना मिलिंद याने संजय यांच्या परस्पर त्यांची गाडी अभय शेलार आणि मोसीन शेख यांनी 1 लाख 25 हजारांना विकली.
गाडीबाबत मिलिंद यांनी विचारले असता गाडीवर झाड पडले असून गाडी गॅरेजमध्ये रिपेअरिंगला लावली आहे. त्याचा खर्च तुम्हाला द्यावा लागेल असे म्हणत उडवाउडवीची उत्तरे देऊन मिलिंद याने गाडी देण्यासाठी टाळाटाळ करत फसवणूक केली. देहूरोड पोलीस तपास करीत आहेत.
