Dehuroad Crime News : देहूगावात पाच लाखांची घरफोडी, सोने व रोकड लंपास
एमपीसी न्यूज – देहुगावात 4.70 लाखांची घरफोडी झाल्याचे उघडकीस आले आहे. चोरटयांनी दरवाजाचा कोयंडा तोडून घराच्या बेडरुममधून सोने व रोख रक्कम चोरुन नेली. गुरुवारी (दि. 4) देहूगाव पोस्ट ऑफिस जवळील प्रदक्षिना सोसायटीत ही घटना घडली.
याप्रकरणी वर्षा प्रशांत वहिले ( वय 43, रा. प्रदक्षिना सोसायटी, देहूगाव ) यांनी देहूरोड पोलीस ठाण्यात शुक्रवारी (दि. 5) फिर्याद दिली. त्यानुसार अज्ञात चोरट्याविरुद्ध देहूरोड पोलीस ठाण्यात घरफोडीचा गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी यांचे घर बंद असताना दरवाज्याचा कोयंडा तोडून चोरटे घरात शिरले. चोरट्यांनी बेडरुममधील 4.70 लाख किंमतीचे सोने व रोख रक्कम चोरुन नेली आहे.
अधिक तपास पोलीस उपनिरीक्षक रामेकर करीत आहेत.