Dehuroad : कॅंटोन्मेंट बोर्डाच्यावतीने वॉर्ड क्रमांक तीन येथे वृक्षारोपण
Plantation at Ward No. 3 on behalf of Cantonment Board
एमपीसीन्यूज : देहूरोड कॅंटोन्मेंट बोर्डाच्यावतीने वॉर्ड क्रमांक तीन मधील श्री शिवाजी विद्यालयामागील इंदिरानगर येथे वृक्षारोपण करण्यात आले. यावेळी स्थानिक नागरिक व कॅंटोन्मेंटचे अधिकारी, कर्मचारी उपस्थित होते.
कॅंटोन्मेंट बोर्डाचे मुख्य कार्यकारी अधिकारी रामस्वरूप हरितवाल व काँग्रेसचे शहराध्यक्ष व स्थानिक नगरसेवक हाजीमलंग मारीमुत्तू यांच्या हस्ते वृक्षारोपणाचा कार्यक्रम पार पडला.
यावेळी अशोक कुसाळे, माणिक वाघमारे, पोपट मोहिते आदीसंह स्थानिक महिला व कार्यकर्ते उपस्थित होते.
इंदिरा नगर येथे सुमारे शंभर वृक्षांचे रोपण करण्यात आले. यामध्ये विविध प्रकारच्या वृक्षांचा समावेश असल्याचे नगरसेवक मारीमुत्तू यांनी सांगितले.