Delhi News: केंद्रीय रेल्वे राज्यमंत्री सुरेश अंगडी यांचे कोरोनामुळे निधन
एमपीसी न्यूज – केंद्रीय रेल्वे राज्यमंत्री सुरेश अंगडी (वय 65) यांचे आज (बुधवारी) कोरोनामुळे निधन झाले. त्यांच्यावर नवी दिल्लीतील एम्स रुग्णालयात उपचार सुरु होते.
बेळगाव लोकसभा मतदार संघातून ते सलग चार वेळा लोकसभेवर निवडून गेले होते. त्यांच्या पश्चात पत्नी, दोन विवाहित कन्या असा परिवार आहे.
सुरेश अंगडी यांची कोरोना टेस्ट 11 सप्टेंबर रोजी पॉझिटिव्ह आली होती. त्यानंतर त्यांना एम्स रुग्णालयात दाखल करण्यात आले होते. एम्स रुग्णालयाच्या तज्ज्ञ डॉक्टरांनी त्यांना वाचवण्यासाठी शर्थीने प्रयत्न केले. मात्र, आज त्यांची प्राणज्योत मालवली आहे.
Shri Suresh Angadi was an exceptional Karyakarta, who worked hard to make the Party strong in Karnataka. He was a dedicated MP and effective Minister, admired across the spectrum. His demise is saddening. My thoughts are with his family and friends in this sad hour. Om Shanti. pic.twitter.com/2QDHQe0Pmj
— Narendra Modi (@narendramodi) September 23, 2020
सुरेश अंगडी हे केंद्रीय रेल्वे राज्यमंत्री होते. ते 2014 पासून कर्नाटकमधील बेळगाव येथून खासदार म्हणून निवडून येत होते. 2019 मध्ये त्यांच्याकडे मोदी मंत्रिमंडळात केंद्रीय रेल्वे राज्यमंत्रिपदाची जबाबदारी देण्यात आली. ते संसदीय समितीचे अध्यक्षही होते.
केंद्रीय रेल राज्य मंत्री @SureshAngadi_ जी को मेरी भावभीनी श्रद्धांजलि। अंगड़ी जी का इस तरह असामयिक हमें छोड़ जाना मेरे लिए व्यक्तिगत और पार्टी तथा सरकार के लिए बहुत बड़ी क्षति है। ईश्वर दिवंगत आत्मा को शांति प्रदान करें तथा उनके परिवार को संबल दे। ॐ
— Nitin Gadkari (@nitin_gadkari) September 23, 2020
पंतप्रधान नरेंद्र मोदी, केंद्रीय मंत्री नितीन गडकरी, नरेंद्रसिंह तोमर, खासदार श्रीरंग बारणे यांनी अंगडी यांना श्रद्धांजली वाहिली आहे.
