Dia Mirza named in drug scandal : अभिनेत्री दिया मिर्झाचे ड्रग प्रकरणात नाव
एमपीसी न्यूज – अभिनेता सुशांत सिंह राजपूत मृत्यू प्रकरणापासून सुरु झालेल्या चौकशीत आता ‘बॉलिवूड ड्रग्ज प्रकरण’ समोर आलं आहे. अंमली पदार्थ विरोधी पथकाद्वारे या प्रकरणाची चौकशी सुरु आहे.
विशेष म्हणजे या चौकशीदरम्यान सारा अली खान, रकुल प्रित सिंह, सिमोन खंबाटा, श्रद्धा कपूर, नम्रता शिरोडकर, दीपिका पदुकोण यांसारख्या अनेक नामांकित कलाकारांची नावं समोर आली. या यादीत आता दिया मिर्झा हिचं देखील नाव जोडलं गेलं. ही अभिनेत्री अंमली पदार्थांचं सेवन करते, असा संशय एनसीबीला आहे. मात्र कुठलीही कारवाई होण्यापूर्वीच दियाने याबाबत स्पष्टीकरण दिलं आहे.
“आयुष्यात कधीही मी अंमली पदार्थ किंवा प्रतिबंधक पदार्थांचं सेवन केलेलं नाही. मी कायदेशीर मार्गाने या आरोपांचं खंडन करेन. मला पाठिंबा दिल्याबद्दल सर्व चाहत्यांचे मनापासून आभार.” अशा आशयाचं ट्विट दियाने केलं आहे. या ट्विटद्वारे तिने होणाऱ्या आरोपांवर प्रत्युत्तर दिलं आहे. तिचं हे ट्विट सध्या सोशल मीडियावर जोरदार व्हायरल होत आहे. काही तासांत शेकडो नेटकऱ्यांनी यावर प्रतिक्रिया दिल्या आहेत.
1) I would like to strongly refute and categorically deny this news as being false, baseless and with mala fide intentions. – Continued
— Dia Mirza (@deespeak) September 22, 2020
2) Such frivolous reporting has a direct impact on my reputation being besmirched and is causing damage to my career which I have painstakingly built with years of hard work. – Continued
— Dia Mirza (@deespeak) September 22, 2020
3) I have never procured or consumed any narcotic or contraband substances of any form in my life. I intend to pursue the full extent of legal remedies available to me as a law abiding citizen of India. Thanks to my supporters for standing by me.
Dia Mirza
— Dia Mirza (@deespeak) September 22, 2020
नार्कोटिक्स कंट्रोल ब्यूरोद्वारे (एनसीबी) सुरू असलेल्या ड्रग्ज प्रकरणाच्या तपासादरम्यान D N S K (D म्हणजे दीपिका पदुकोण, N म्हणजे नम्रता शिरोडकर, S म्हणजे श्रद्धा कपूर आणि K म्हणजे करिश्मा) ही नावं समोर आली आहेत. एनसीबीला एक व्हॉट्सअ‍ॅप चॅट मिळालं आहे. यामध्ये ड्रग्जच्या खरेदी-विक्रीची चर्चा केली जात असल्याचं समोर आलं आहे. एनसीबीकडून करण्यात आलेल्या चौकशीदरम्यान मोठे गौप्यस्फोट करण्यात आले असल्याचे म्हटले आहे. श्रद्धा कपूरशिवाय यामध्ये तीन अन्य अभिनेत्रींची ड्रग चॅटही समोर आली आहेत.
