Pimpri : रस्ता दुरुस्तीच्या कामामुळे पिंपरी चौकातील वाहतुकीत सकाळपासून बदल
पिंपरीपर्यंत महामेट्रोचे काम सुरु आहे. डॉ. बाबासाहेब आंबेडकर चौक ते खराळवाडी दरम्यानच्या सेवा रस्त्यावर मोठ्या प्रमाणात खड्डे पडले आहेत. त्यामुळे रस्त्यावरील खड्डे बुजविणे, रस्ता दुरुस्तीचे काम हाती घेण्यात आले आहे. त्यामुळे रस्ता बंद करण्यात आला आहे.
आज सकाळपासून पिंपरीचौकाकडून नेहरुनगरचौक- महेशनगर- वल्लभनगर- जुना मुंबई-पुणे महामार्ग अशी वाहतूक वळविण्यात आली आहे. वाहतुकीतील हा बदल उद्या (रविवार)सायंकाळी पाच वाजेपर्यंत असणार आहे. त्यामुळे नागरिकांनी सहकार्य करण्याचे आवाहन महामेट्रोने केले आहे.