Pimpri : आठ नगरसेवकांमुळे भाजपची प्रतिमा डागाळली, निवडणुकीत बसला फटका

महापालिकेत भाजपची सत्ता आल्यानंतर आमदार लक्ष्मण जगताप आणि महेश लांडगे यांनी पहिल्यांदाच भाजप नगरसेवकांची आज (गुरुवारी) महापालिकेत बैठक घेतली. बैठकीला सर्व नगरसेवक-नगरसेविका उपस्थित होते. आमदारपदी पुन्हा निवडून आल्याबद्दल जगताप आणि लांडगे यांच्या सत्कार करण्यात आला. यावेळी आमदारांनी नगरसेवकांना मार्गदर्शन केले. भोसरीत मताधिक्य वाढले. पण, चिंचवडमध्ये मताधिक्य कमी झाले. त्याची कारणे वेगवेगळी आहेत. आपण निवांत निवडणूक लढलो होतो, असे सांगण्यात आले.

आमची निवडणूक झाली आहे. महापालिकेत 2022 मध्ये सत्ता आणायची असेल तर आत्तापासूनच कामाला लागले पाहिजे. नगरसेवकांनी आपल्या चुका दुरुस्त करुन कामाला लागावे. पाणीपुरवठ्याच्या प्रश्नामुळे भाजप बॅकफूटवर आले आहे. त्याच्यामुळे देखील मतावर परिणाम झाला आहे. त्यामुळे पाणीपुरवठ्यावर, त्याच्या कामाकडे विशेष लक्ष देण्यात यावे. अनधिकृत बांधकाम होऊ देऊ नका. त्यामुळे शहराचा बकालपण वाढत आहे. परवानगीनेच बांधकामे होऊ द्यावीत, अशा सूचनाही आमदारांनी नगरसेवकांना केल्या.