Farmers Agitation News : ‘या’ आंतराष्ट्रीय सेलिब्रिटींनी दिला शेतकरी आंदोलनाला पाठिंबा
एमपीसी न्यूज: शेतकरी आंदोलनाच्या ठिकाणी पोलिसांनी काटेरी तारा, खिळे, सिमेंटच्या भिंती बसवल्या आहेत. तेथील इंटरनेट सेवाही बंद ठेवण्यात आल्या आहेत. यावरून विरोध पक्ष सरकारला धारेवर धरत आहे.
दरम्यान, काही आंतरराष्ट्रीय सेलिब्रिटींनी शेतकरी आंदोलनाला पाठिंबा दर्शवला आहे. त्यामुळे भारतातील शेतकरी आंदोलन चांगलेच चर्चेत आले आहे.
कॅरिबियन पॉप स्टार असलेल्या रिहानाने काल शेतकरी आंदोलनाबाबतची ‘सीएनएन’ची बातमी ट्विटरवर शेअर केली. यावेळी तिने ‘आपण याबाबत का बोलत नाहीये’? असा प्रश्न विचारून #FarmersProtest असा हॅशटॅग वापरला आहे.
याचबरोबर पर्यावरणवादी कार्यकर्ती ग्रेटा थनबर्ग हिनेदेखील सीएनएनचीच बातमी शेअर केली असून ‘भारतात सुरू असलेल्या शेतकरी आंदोलकांबरोबर आम्ही एकतेने उभे आहोत’ असे ट्विट केले आहे.
ग्रेटा थनबर्ग हिला अमेरिकन टाईम्स मासिकाने 2019 मध्ये ‘पर्सन ऑफ द इयर’ घोषित केले होते. तेव्हापासून ती चर्चेत आहे.
रिहानाच्या या ट्विटला चांगलाच प्रतिसाद मिळत असून तिच्या फॉलोवर्समध्येही वाढ झाल्याचे बघायला मिळत आहे.
why aren’t we talking about this?! #FarmersProtest https://t.co/obmIlXhK9S
— Rihanna (@rihanna) February 2, 2021
We stand in solidarity with the #FarmersProtest in India.
https://t.co/tqvR0oHgo0— Greta Thunberg (@GretaThunberg) February 2, 2021
