Pune : ओएलएक्सवर कार विकण्याच्या बहाण्याने महिलेची चार लाखांना फसवणूक
एमपीसी न्यूज – ओएलएक्सवरून कार विकण्याच्या बहाण्याने एका महिलेची अज्ञात मोबाईल धारकाकडून चार लाखांना फसवणूक करण्यात आली. याप्रकरणी एका 32 वर्षीय महिलेने शिवाजीनगर पोलीस ठाण्यात फिर्याद दिली आहे. त्याप्रमाणे एक अज्ञात मोबाईलधारक व पेटीएम धारक व्यक्तीवर गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी यांना ओएलएक्सवर विक्री करण्याच्या बहाण्याने अज्ञात मोबाईल धारकाने फोनवरून संपर्क साधून त्यांचा विश्वास संपादन केला. त्यानंतर 15 मे ते 3 जुलै या कालावधीत फिर्यादी यांना वेळोवेळी एकूण 3 लाख 96 हजार रुपये भरण्यास भाग पाडून फिर्यादी यांची आर्थिक फसवणूक केली.
शिवाजीनगर पोलीस पुढील तपास करीत आहेत.
