Sudumbare : महिला मेळाव्यात महिला संरक्षण प्रतिबंध कायद्याविषयी मोफत मार्गदर्शन
एमपीसी न्यूज – राज्यसभा खासदार अॅड. वंदना चव्हाण व जिल्हा परिषद शाळा सुदूंबरे यांच्या संयुक्त विद्यमानाने गावातील महिला व किशोरवयीन मुलींचा गुरुवारी (दि.25) मेळावा आयोजित करण्यात आला होता.
या महिला मेळाव्यात महिलांवरील लैंगिक शोषण व महिला संरक्षण प्रतिबंध कायद्याविषयी मोफत मार्गदर्शन व कायदेशीर सल्ला याविषयी मार्गदर्शन केले. मार्गदर्शन करण्यासाठी पुणे जिल्हा सत्र न्यायालयाचे न्यायाधीश चेतन भागवत यांनी कायदेशीर मार्गदर्शन केले. या कार्यक्रमासाठी राज्यसभा खासदार अॅड. वंदना चव्हाण यांच्या कन्या अॅड. दिव्या चव्हाण-जाचक उपस्थित होत्या. तसेच सरपंच संगीता गाडे, उपसरपंच प्रविण गाडे, ग्रामपंचायत सदस्या उमा शेळके, जालिंदर गाडे, बापू दरेकर, भारती आंबोले, मिनीता गाडे, कांता गाडे, आशा गाडे, मोनाली दिवेकर, विद्यार्थींनी व पालकवर्ग मोठ्या संख्येने उपस्थित होते. मान्यवरांच्या हस्ते वृक्षारोपण करण्यात आले.
कार्यक्रमाचे नियोजन मुख्याध्यापिका लक्ष्मी घोडेकर यांनी केले होते, सूत्रसंचालन डावखरे सर यांनी केले. ग्रामपंचायत सदस्या उमा शेळके यांनी आभार मानले.
