Pimpri: उद्यापासून शहरातील सर्व दुकाने सकाळी 9 ते सायंकाळी 5 पर्यंत सुरु राहणार
unlock start tomorrow all shops open pimpri chinchwad city
एमपीसी न्यूज – पिंपरी-चिंचवड शहरात 14 जुलैपासून लागू करण्यात आलेला दहा दिवसांचा लॉकडाउन आज संपला आहे. उद्यापासून (शुक्रवार) शहरातील सर्व दुकाने सकाळी 9 ते सायंकाळी 5 या वेळेत सुरु राहणार आहेत. तसेच क्रीडा संकुले, स्टेडियम, पालिकेची मैदाने, उद्याने देखील खुली होणार आहेत.
याबाबतची नियमावली आयुक्त श्रावण हर्डीकर यांनी जारी केली आहे.
राज्य सरकारने 1 जुलै रोजी ठरवून दिलेल्या निर्देशानुसार पिंपरी-चिंचवड शहरात उद्यापासून ‘अनलॉक-2’ पद्धतीनेच अंमलबजावणी होणार असल्याचे आयुक्तांनी स्पष्ट केले आहे.
शहरातील कोरोनाचा वाढता प्रादुर्भाव रोखण्यासाठी पिंपरी-चिंचवड शहरात 14 जुलै ते 23 जुलैपर्यंत लॉकडाऊन जाहीर करण्यात आला होता. आज रात्री त्यांची मुदत संपत आहे. त्यामुळे शुक्रवारपासून अनलॉक असणार आहे.
उद्यापासून हे सुरू राहणार
#सर्व बाजारपेठेतील दुकाने सकाळी 9 ते सायंकाळी 5 या वेळेत सुरु राहणार.
#क्रीडा संकुले, स्टेडियम, पालिकेची मैदाने, उद्याने व्यायामासाठी सकाळी 5 ते सायंकाळी 7 पर्यंत खुली राहणार.
#पीएमपीएमलच्या बसने सर्वांना प्रवास करता येणार.
#औद्योगिक आस्थापना 100 टक्के क्षमतेने सुरु.
#खासगी कार्यालये, माहिती तंत्रज्ञान विषयक 50 टक्के मनुष्यबळासह सुरु, शक्य असेल तोपर्यंत वर्क फ्रॉम होम.
#सरकारच्या आदेशानुसार केशकर्तनालये, ब्युटी पार्लर सुरु राहणार.
हे असणार बंद
#शाळा, कॉलेज, शैक्षणिक संस्था, प्रशिक्षण संस्था.
#हॉस्टेल रेस्टारंट, सिनेमा हॉल, शॉपिंग मॉल, व्यायाम शाळा, जलतरण तलाव, बार, सभागृहे, नाट्यगृहे, मनोरंजन पार्क.
#सर्व प्रकारचे सामाजिक, धार्मिक, राजकीय, क्रीडा, मनोरंजने, सांस्कृतीक, शैक्षणिक उपक्रम, सभा, संमेलने.
#सर्व धार्मिक स्थळे.