Pune News : राम मंदिर उभारणीसाठी 78 कोटींचा निधी जमा

देशभरातील रामभक्तांकडून निधी गोळा करण्यासाठी 10 आणि 100 रुपयांची कुपन वाटण्यात येतील

एमपीसी न्यूज : अयोध्येतील श्रीराम मंदिर बांधण्यासाठी 78 कोटी रुपयांचा निधी जमा झाला आहे. यातील 24 कोटी रुपये लवकरच लार्सन अँड टुबरो कंपनीकडे सुपूर्द केले जातील. 2024 पूर्वी भव्य राम मंदिर उभारण्याचा प्रयत्न असेल पण मंदिर उभारणीसाठी कुठलीही घाई करणार नसल्याचे राम जन्मभूमी न्यासा चे खजिनदार गोविंदगिरी महाराज ऊर्फ किशोर व्यास यांनी पुण्यात सांगितले. 

 

राम जन्मभूमी मंदिर निर्माणासाठी वीर लहुजी वस्ताद यांनी वास्तव्य केलेल्या पाच ठिकाणांची माती संकलित करून पाठवण्यात आली. वीर लहुजी यांचे जन्मस्थान पेठ, लहुजींनी पुण्यातील गंजपेठेत बांधलेली तालीम, संगमवाडी येथील समाधीस्थळ आणि लहुजींचे वडील राघोजी साळवे यांची ‘मांगीरबाबा यांची समाधी’  या पाच ठिकाणच्या मातीचे संकलन करून अयोध्येतील राम मंदिर निर्मिती साठी पाठविण्यात आली. या कार्यक्रमानंतर त्यांनी पत्रकारांशी संवाद साधला.

 

गोविंदगिरी महाराज म्हणाले, मंदिर उभारणीसाठी लागणारा निधी गोळा करण्यासाठी 10 आणि 100 ची कुपन तयार करण्यात आली आहे. देशभरातील राम भक्तांना हि कुपण वाटले जाणार आहेत आणि त्यांच्यापासून निधी संकलित केला जाणार आहे. तसेच मंदिर उभारणीसाठी कुठलीही तडजोड करणार नाही घाई करणार नाही असेही त्यांनी स्पष्ट केले.

 

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.