India Corona Update : मोठा दिलासा ! देशातील ॲक्टिव्ह रुग्णसंख्या 50 हजारांच्या खाली
एमपीसी न्यूज – गेल्या 24 तासांत देशभरात 3 हजार 393 नव्या कोरोना बाधित रुग्णांची नोंद झाली आहे. तर, 8 हजार 055 जणांना डिस्चार्ज देण्यात आला आहे. देशातील ॲक्टिव्ह कोरोना रुग्णसंख्या 50 हजारांच्या खाली आली असून, देशवासीयांना मोठा दिलासा मिळाला आहे.
देशात सध्याच्या घडीला 49,948 ॲक्टिव्ह कोरोना रुग्ण आहेत. आरोग्य विभागाच्या आकडेवारीनुसार, देशात आजवर 4 कोटी 29 लाख 62 हजार 953 जणांना कोरोनाची बाधा झाली आहे. त्यापैकी 4 कोटी 24 लाख 06 हजार 150 रूग्ण बरे झाले आहेत. देशाचा रिकव्हरी रेट वाढून 98.68 टक्के एवढा झाला आहे.
COVID19 | India registers 3,993 new cases and 108 deaths in the last 24 hours; Active cases stand at 49,948 pic.twitter.com/XvT64ZGZ31
— ANI (@ANI) March 8, 2022
गेल्या 24 तासांत 108 कोरोना रुग्णांचा मृत्यू झाला आहे. आजवर 5 लाख 15 हजार 210 रुग्ण कोरोनामुळे मृत्यूमुखी पडले आहेत. देशाचा मृत्यूदर 1.20 टक्के एवढा झाला आहे.
ICMR च्या आकडेवारी नुसार देशात आजवर 77.43 कोटी प्रयोगशाळा नमुने तपासण्यात आले आहेत. गेल्या 24 तासांत 8.73 चाचण्या घेण्यात आल्या आहेत. देशात कोरोना लसीकरण कार्यक्रमाअंतर्गत आजवर 179 कोटी 13 लाख 41 हजार 295 जणांना लस टोचण्यात आली आहे. चोवीस तासांत 21.34 जणांना लस टोचण्यात आली आहे.