Pimple Gurav : आठ अनधिकृत बांधकामांवर हातोडा
एमपीसी न्यूज – पिंपरी-चिंचवड महापालिकेच्या अनधिकृत बांधकाम व नियंत्रण विभागाने आज (गुरुवारी) पिंपळेगुरव येथील अनधिकृत बांधकामांवर कारवाई केली. आठ आरसीसी बांधकामे भूईसपाट करण्यात आली.
पिंपळेगुरवमधील प्रभाग क्रमांक 29 मध्ये अनधिकृत बांधकामे झाली होती. महापालिकेच्या अनधिकृत बांधकाम व नियंत्रण विभागाने आज (गुरुवारी) या अनधिकृत बांधकामांवर धडक कारवाई केली. त्यामध्ये पिंपळेगुरव परिसरातील आठ आरसीसी क्षेत्रफळ अंदाजे 5500 चौरस फूट अनधिकृत बांधकामांवर कारवाई करण्यात आली.
ड प्रभागाच्या पथकाने ही कारवाई केली. एक जेसीबी, एक डंपर, दहा मजूर यांच्या सहाय्याने ही कारवाई करण्यात आली. कारवाईदरम्यान कोणताही अनुचित प्रकार घडू नये यासाठी पोलिसांचा तगडा बंदोबस्त होता.