Chakan News : ‘आमच्या पेशंटवर तुम्ही व्यवस्थित उपचार करत नाहीत’ म्हणत दारूच्या बाटल्या घेऊन तो कोविड सेंटरमध्ये आला, गोंधळ घालून औषधे पाडून पळून गेला
एमपीसी न्यूज – ‘तुम्ही आमचा पेशंटवर व्यवस्थित उपचार करत नाहीत’ म्हणत एक व्यक्ती दारूच्या बाटल्या घेऊन कोविड सेंटरमध्ये आला. त्याने कोविड सेंटरमधील कर्मचाऱ्यांना शिवीगाळ करून औषधे खाली पाडली. दरम्यान नागरिकांनी पोलिसांना बोलावले. पोलीस आल्याचे दिसताच गोंधळ घालणारा व्यक्ती शिव्या देत पळून गेला. ही घटना 30 एप्रिल रोजी रात्री म्हाळुंगे येथील म्हाडा कोविड सेंटर मध्ये घडली.
वैभव बाळासाहेब तापकीर असे अटक केलेल्या आरोपीचे नाव आहे. याबाबत कोविड सेंटरमध्ये काम करणाऱ्या कर्मचारी महिलेने चाकण पोलीस ठाण्यात फिर्याद दिली आहे.