Health News : अपस्माराच्या आजाराने बाळाच्या विकासावर परिणाम – डॉ. गीतांजाली इंगळे
एमपीसीन्यूज : अपस्मारामुळे उच्च जोखीम असलेल्या गर्भधारणेमध्ये अडचणी येऊ शकतात. जन्मानंतर आणि सुरुवातीच्या आठवड्यात बाळामध्ये अशी गुंतागुंत होऊ शकते. नवजात शिशुमध्ये उद्भवणा-या अपस्माराच्या या आजारावर वेळीच उपचार करणे आवश्यक आहे. कारण कोणत्याही विलंबामुळे बाळाच्या मेंदूवर परिणाम होऊ शकतो. तसेच बाळाच्या विकासास अडथळा येऊ शकतो, अशी माहिती कोलंबिया एशिया हॉस्पिटलच्या नियोनॅटोलॉजिस्ट डॉ. गीतांजाली इंगळे यांनी दिली आहे.
जन्माच्या पहिल्या आठवड्यात अपस्माराचा आजार होण्याची शक्यता असते. 80 टक्के प्रकरणे याच कालावधीत आढळतात. बोली भाषेत त्याला फिट येणे, फेफरे येणे, आकडी येणे इ. म्हटले जाते. अपस्मार हा मानसिक विकार नाही तर तो एक मेंदूचा आजार आहे.
साधारण 60 ते 70 % रोग्यांमध्ये आकडी येण्यावर योग्य रीतीने नियंत्रण ठेवता येते. अपस्माराच्या आजाराचे निदान झालेल्यांनी पोहणे, वाहन चालवणे, मोठ्या मोठ्या मशीन्सवर काम करणे टाळले पाहिजे.
डॉ. गीतांजाली इंगळे म्हणाल्या की, “पेरीनेटल डिप्रेशन, ऑक्सिजनची कमतरता, हायपोग्लाइसीमिया, हायपोक्लेसीमिया, संसर्ग, रक्तस्राव, गर्भाशयाच्या मेंदूचा असामान्य विकास, अनुवांशिक विकार, एन्सेफलायटीस किंवा मेनिंजायटीस ही नवजात मुलांमध्ये अपस्मार होण्याची सामान्य कारणे आहेत.
मेंदूमध्ये ऑक्सिजन किंवा रक्ताचा पुरवठा नसल्यामुळे किंवा रक्तात ऑक्सिजनच्या कमतरतेमुळे होतो. आमच्या इस्पितळात, दरवर्षी या आजाराची सुमारे 8 ते 10 प्रकरणे आढळतात. मुख्यत: 35 किंवा त्यापेक्षा जास्त वयाच्या मातांमध्ये ह्या घटना आढळतात.
ज्यांची पूर्वी गर्भधारणा जटिल होती किंवा सध्याच्या गरोदरपणात गुंतागुंत आहे अशा प्रकरणांमध्ये देखील ही समस्या आढळते.
अशा घटना अल्पकालीन असू शकतात. परंतु, त्या अपरिपक्व मेंदूमधील बिघाड किंवा नुकसान देखील दर्शवितात. ही एक न्यूरोलॉजिकल आणीबाणी आहे. जी अर्भकाच्या मेंदूचे पुढील नुकसान टाळण्यासाठी त्वरित निदान आणि व्यवस्थापनाची मागणी करते. अशा घटनांची व्याप्ती प्रति 1 हजारमध्ये 3 असते. परंतु पूर्व-मुदतीच्या अर्भकांमध्ये ते प्रमाण 57-132पर्यंत वाढते.
“नवजात शिशुला जगविण्यासाठी सुसज्ज काळजीवाहू एनआयसीयू युनिटमध्ये ठेवणे आवश्यक आहे. प्रौढ म्हणून बाळाच्या जीवनाची गुणवत्ता देखील महत्त्वपूर्ण आहे. उपचार सुरू होण्यास जितका जास्त वेळ लागतो, तितके मेंदूचे अधिक नुकसान होते. यामुळे सेरेब्रल पाल्सीसारखी वैद्यकीय परिस्थिती उद्भवू शकते.
बौद्धिक अपंगत्व, संज्ञानात्मक अशक्तपणा आणि विकासात्मक विलंब होऊ शकतो. ईईजीद्वारे स्ट्रक्चरल विकृती, असामान्य पार्श्वभूमी किंवा मेंदूतील विद्युत क्रियाकलापांसाठी बाळाची तपासणी करणे आवश्यक आहे.
व्हिटॅमिन बी 6 (पायडॉक्सिन) च्या कमतरतेमुळे नवजात मुलांमध्ये हा आजार विकसित होऊ शकतो. यासाठी औषधांवर लक्ष केंद्रीत करणे तसेच ईईजीद्वारे निरीक्षण करणे देखील मदत करेल, असे डॉ. गीतांजाली इंगळे यांनी सांगितले.
