Pimpri : पुणे, पिंपरी-चिंचवड शहरात मुसळधार पाऊस
सकाळपासून शहरात ढगाळ वातावरण होते. त्यामुळे सूर्याने ढगांच्या आड दडी मारली. ऊन नसले तरी पुणे आणि पिंपरी-चिंचवड शहरात उकाडा मात्र कायम होता. दुपारच्या वेळी अचानक ढग भरून आले आणि सायंकाळी सहाच्या सुमारास शहरात पावसाला सुरुवात झाली. भल्यामोठ्या उकाड्यानंतर अचानक आलेल्या पावसाचे येणे नागरिकांसाठी सुखावह होते.
पुण्यात झाडपडीच्या 15 घटना तर पिंपरी-चिंचवडमध्ये 22 घटना
कोथरुड, आपटे रोड, कर्वे नगर, गोखले नगर, शिवाजीनगर बसस्थानक, मॉडेल कॉलनी, मंगळवार पेठ, रास्ता पेठ, रविवार पेठ, बाणेर पाषाण रोड, पानमळा, ताडीवाला रोड, म.हौ.बोर्ड, येरवडा, कोरेगाव पार्क, लेन नं ७, कैलास स्मशानभूमी, लोकमान्य नगर येथे झाडपडीच्या घटना घडल्या आहेत. तर पिंपरी-चिंचवडमध्ये अग्निशामक दलाला एकूण 22 ठिकाणी झाडपडी आणि इतर घटना घडल्याचे कॉल आले होते. यापैकी सगळ्यात जास्त घटना या झापडपडीच्या होत्या.
