Hinjawadi Crime News : अज्ञात वाहनाच्या धडकेत तरुणाचा मृत्यू

एमपीसी न्यूज – भरधाव वेगातील अज्ञात वाहनाने धडक दिल्यामुळे एका तरुणाचा मृत्यू झाला. ही घटना 6 मे रोजी हिंजवडी येथे मारूंजी रोडवर घडली. याबाबत 10 मे रोजी गुन्हा दाखल करण्यात आला आहे.

संजय काशिनाथ कांबळे (वय 40) असे अपघातात मृत्यू झालेल्या तरुणाचे नाव आहे. याबाबत त्याचा सावत्र भाऊ विशाल काशिनाथ कांबळे (वय 35, रा. सुतारवाडी, पाषण) यांनी सोमवारी (दि. 10) हिंजवडी पोलीस ठाण्यात फिर्याद दिली आहे. पोलिसांनी अज्ञात वाहन चालकाच्या विरोधात गुन्हा दाखल केला आहे.

_MPC_DIR_MPU_II

फिर्यादी विशाल यांचा सावत्र भाऊ संजय हा 6 मे रोजी हिंजवडी येथील मारूंजी रोडने चालला होता. त्यावेळी भरधाव वेगात आलेल्या अज्ञात वाहनाने संजय यांना जोरदार धडक दिली. या धडकेत गंभीर जखमी झालेल्या संजय यांचा मृत्यू झाला. अपघातानंतर वाहन चालक घटनास्थळी न थांबता तसेच घटनेची माहिती पोलिसांना न देता पळून गेला.

हिंजवडी पोलीस तपास करीत आहेत.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.