Pune : अटल बिहारी वाजपेयी यांचा अस्थिकलश दर्शनासाठी पुण्यात
एमपीसी न्यूज – देशाचे माजी पंतप्रधान आणि भारतरत्न अटलबिहारी वाजपेयी यांचे 16 ऑगस्ट रोजी प्रदीर्घ आजाराने निधन झाले. त्यांनतर अटलबिहारी वाजपेयी यांच्या अस्थींचे रविवारी हरिद्वार येथील गंगा नदीत विसर्जन करण्यात आलं त्यावेळी हरिद्वार मधील भल्ला कॉलेज मधून त्यांची कलश यात्रा काढण्यात आली होती. सर्व विधी पार पडल्यानंतर वाजपेयींच्या मानसकन्या निमिता यांनी वाजपेयींच्या अस्थी गंगा नदीत विसर्जित केल्या. दिल्ली येथील स्मृतिस्थळावर तीन वेगवेगळ्या कलशात अस्थी ठेवण्यात आल्या होत्या त्या अस्थि देशभरातील सुमारे 100 नदीमध्ये विसर्जित केल्या जाणार आहेत.
त्यामुळे माजी पंतप्रधान अटल बिहारी वाजपेयी यांच्या अस्थींचा कलश आज जंगली महाराज रस्त्यावरील हॉटेल सन्मान, भाजप मध्यवर्ती कार्यालय येथे दर्शनासाठी ठेवण्यात आले आहे. महापौर मुक्ता टिळक राज्यमंत्री दिलीप कांबळे यांनी अटलजींच्या अस्थींचे दर्शन घेतलं पुण्यात असती आल्यानंतर कलशाची पूजा केल्यानंतर तेथे क्षेत्र आळंदी येथील इंद्रायणी नदीत अटलजींच्या अस्थींचे विसर्जन करण्यात येणार आहे.
