Pune News : कॅम्पमध्ये ‘हम इधर के भाई है’ म्हणत तरुणाला लोखंडी रॉडने मारहाण
एमपीसी न्यूज : किरकोळ कारणावरून झालेल्या भांडणानंतर दोघा जणांनी एका तरुणाला ‘हम इधर के भाई है’ असे म्हणत लोखंडी रॉडने मारहाण केली. कॅम्प परिसरातील कुरेशी मज्जिद जवळ बुधवारी सायंकाळच्या सुमारास हा प्रकार घडला.
पोलिसांनी दिलेल्या माहितीनुसार, आरोपीला फिर्यादीच्या गाडीचा धक्का लागला होता. या कारणावरून आरोपीने त्यांना शिवीगाळ करत गाडीची काच फोडली. याचा जाब विचारण्यासाठी फिर्यादी गेले असताना आरोपीने फिर्यादीला शिवीगाळ करून लाकडी दांडके व लोखंडी रॉडने त्याच्या डोक्यात वार केले.
तसेच ‘हम इधर के भाई है’ असे म्हणत हातातील हत्यारे दुकानदार व रस्त्याने येणाऱ्या जाणाऱ्या लोकांना दाखवत दहशत निर्माण केल्या. त्यामुळे परिसरातील दुकानदारांनी घाबरून आपली दुकाने बंद केली व रस्त्याने जाणारे लोक देखील पळून गेले. पोलिसांनी या प्रकरणी गुन्हा दाखल केला असून अधिक तपास सुरू आहे.
