Income Tax Filing : आयकर भरण्यासाठीच्या 31 डिसेंबरपर्यंत मुदतवाढ
एमपीसी न्यूज – केंद्रीय अर्थ मंत्रालयानं वैयक्तिक आयकरदात्यांना 2019-2020 या वर्षातील कर भरण्यासाठी 31 डिसेंबरपर्यंत वेळ वाढवून दिली आहे. मंत्रालयानं शनिवारी ही माहिती दिली. आयकर भरण्यासाठी यापूर्वी 30 नोव्हेंबर ही अंतिम तारीख होती.
केंद्र सरकारनं 13 मे रोजी आयकर भरण्यासाठी निश्चित केलेली 31 जुलैपर्यंतची तारीख वाढवून 30 नोव्हेंबर केली होती. कोरोना संकटामुळे करदात्यांना समस्यांचा सामना करावा लागत आहे. त्यामुळे 31 जुलैपर्यंतच्या कालावधी वाढवण्यात येत असल्याचं केंद्रीय प्रत्यक्ष कर मंडळानं त्यावेळी म्हटलं होतं.
It has been decided to extend the due date for filing Annual Return (FORM GSTR-9/GSTR-9A) and Reconciliation Statement (FORM GSTR-9C) for Financial Year 2018-19 from 31st October 2020 to 31st December 2020: Central Board of Indirect Taxes and Customs (CBIC)
— ANI (@ANI) October 24, 2020
प्राप्तीकर अधिनियमानुसार ज्यांच्या खात्यांचं ऑडिट करणं आवश्यक आहे, अशा करदात्यांसाठी (त्यांच्या भागादारांसह) आयकर विवरणपत्र देण्याची तारीख 31 ऑक्टोबरऐवजी 31 जानेवारी 2021 पर्यंत वाढवण्यात आली आहे.
केंद्र सरकारनं घेतलेल्या या निर्णयामुळे कोरोना व लॉकडाउनमुळे आर्थिक समस्यांना तोंड देत असलेल्या करदात्यांना मोठा दिलासा मिळाला आहे.