India Bans Cloned 47 Apps : चीनवर दुसरा डिजिटल स्ट्राईक, आणखी 47 क्लोनिंग’ अॅप्स केले बॅन
India Bans Cloned 47 Apps: Second Digital Strike on China, Another 47 Cloned Apps Banned बंद करण्यात आलेल्या या अप्लिकेशन्स मध्ये टिक टॉक लाईट, हॅलो लाईट, शेअर इट लाईट,बिगो लाईव्ह लाईट यासारख्या अप्लिकेशन्सचा समावेश
एमपीसी न्यूज – भारत सरकारने चीन संबंधित कंपन्यांवर दुसऱ्यांदा मोठी कारवाई केली आहे. सुरवातीला 59 चिनी अॅप्स बॅन केल्यानंतर भारत सरकारने अजून 47 चिनी अॅप्स बॅन केले आहेत. नव्याने बॅन करण्यात आलेल्या या अॅप्समध्ये बहुतांश ‘क्लोनिंग’ अॅपचा समावेश आहे.
दरम्यान, बॅन केलेले क्लोनिंग अॅप्स हे अगोदर बॅन केलेल्या अॅपसाठी पर्याय म्हणून बाजारात उतरवण्यात आले होते. युजरची खासगी माहितीची चोरी, तिचा गैरवापर, राष्ट्रीय सुरक्षेला धोका यांच्या आधारे भारत सरकारने ही मोबाईल ॲप्लिकेशन बॅन केली आहेत.
Ministry of Electronics and Information Technology bans 47 apps which were variants and cloned copies of the 59 Chinese apps that were banned in June. These banned clones include Tiktok Lite, Helo Lite, SHAREit Lite, BIGO LIVE Lite and VFY Lite. pic.twitter.com/oWHmAmoWlr
— ANI (@ANI) July 27, 2020
बंद करण्यात आलेल्या या अप्लिकेशन्स मध्ये टिक टॉक लाईट, हॅलो लाईट, शेअर इट लाईट,बिगो लाईव्ह लाईट यासारख्या अप्लिकेशन्सचा समावेश आहे.
भारत-चीन सीमेवर संघर्षादरम्यान भारतीय जवान शहीद झाले होते. त्यानंतर देशभरात चीनविरोधात संतापाची लाट उसळली होती. गेल्या महिन्यात वापरकर्त्यांची माहितीचोरी, तिचा गैरवापर, राष्ट्रीय सुरक्षेला धोका आणि नागरिकांची मागणी यांच्या आधारे 59 चिनी अॅप्सवर भारताने बंदी घातली होती. यामध्ये टिकटॉक, कॅमस्कॅनर, शेअरइट अशा अनेक लोकप्रिय अॅप्सचा समावेश होता.