India-China Border Dispute: मोठी बातमी! अखेर लडाखमध्ये चिनी सैन्याची अडीच किलोमीटरपर्यंत माघार

एमपीसी न्यूज – भारत आणि चीन यांच्यात सुरू असलेल्या सीमा विवादाच्या पार्श्वभूमीवर आता चीनचे सैन्य लडाखमध्ये अडीच किमी मागे हटल्याचे वृत्त समोर आले आहे. लडाखमध्ये चिनी सैन्याने दोन किंवा तीन ठिकाणी माघार घेतली आहे. सीमा विवाद सोडविण्यासाठी आणि परिस्थिती शांततेत पार पाडण्यासाठी भारत आणि चीन यांच्यात आणखी बैठका होऊ शकतात, अशीही माहिती मिळत आहे. आगामी काळात बिग्रेड कमांडरच्या पातळीवर चर्चा होण्याची शक्यता आहे.

दरम्यान, चीनने गालवान व्हॅली किंवा भारताचा पेट्रोलिंग पॉईंट ओलांडला नाही, अशी खात्रीशीर माहिती उपलब्ध झाली आहे. चीनने आपल्या भागात सैन्य आणि युद्ध सामग्री जमा केली आहे, या वृत्ताला पुष्टी मिळाली आहे.

चीन आणि भारत यांच्या सीमेवर असलेल्या गालवान खोऱ्यात अनेक दिवसांपासून तणावाचे वृत्त आहे. दरम्यान, बातमी आली की चीन युद्धही करीत आहे. त्याला उत्तर म्हणून भारताने लडाख सीमेवर सराव करणार्‍या सैनिकांचा व्हिडिओ शेअर केला. भारतीय सैन्य दलाचा व्हिडिओ ज्याला गृहराज्यमंत्री जी. कृष्णन रेड्डी यांनी त्यांच्या ट्विटर अकाऊंटवर शेअर केला होता तो गेल्या वर्षी सप्टेंबरचा होता जेव्हा उत्तर कमांडने लडाखजवळ चीन सीमेवरील चांगथांग नावाचा एक मोठा युद्धाभ्यास चालविला होता.

या सरावामुळे भारताने संपूर्ण जगाला संदेश दिला होता की, चीन सीमेवर फक्त पायदळ सैनिक तैनात केले जात नाहीत, तर रणगाडे, यांत्रिकी सैन्य, यूएव्ही आणि पॅरा कमांडो देखील तैनात आहेत. गृह राज्यमंत्र्यांनी ट्वीट करून लिहिले की, “लडाखच्या उत्तरेकडील भागात आपली सीमा सुरक्षित करणाऱ्या भारतीय सैन्याचा हा एक प्रेरणादायक आणि मोहक व्हिडिओ आहे.”

रविवारी चीनचे मुखपत्र ग्लोबल टाईम्सने हा मोठा दावा केला की, काही तासांत चिनी सैन्याने हुबेई प्रांतापासून भारत-चीन सीमेपर्यंत हजारो सैनिक आणि चिलखती वाहने तैनात करण्याची तयारी दर्शविली आहे. याच हुबेई प्रांतातील वुहान येथून कोरोना विषाणूची बाहेर पडला आणि त्याने जागतिक महामारीचे रुप धारण केले आहे.

ग्लोबल टाईम्स आणि चीनच्या सीसीटीव्ही वाहिनीच्या वृत्तानुसार, चीनच्या पीपल्स लिबरेशन आर्मीने हुबेई या मध्यवर्ती प्रांतातून हजारो सैनिकांना नागरी विमान, रेल्वेगाड्या आणि बसेसच्या माध्यमातून भारताच्या सीमेवर पाठवले आहे.

दोन्ही देशांमधील सद्य ताणतणावावर 6 जूनला उच्चस्तरीय चर्चा होती. अशी अपेक्षा होती की, भारतीय लष्कराचे 14 कोर कमांडर लेफ्टनंट जन हरिंदर सिंग आणि चीनच्या दक्षिण चिंचयांग मिलिटरी डिस्ट्रिक्टचे कमांडर मेजर जनरल लियू लिन यांच्यातील चर्चेमुळे तोडगा निघून जाईल आणि चीन आपले सैन्य परत करण्यास सहमती दर्शवली. सैन्य कमांडर्सच्या चर्चेपूर्वी दोन्ही देशांमधील मुत्सद्दी स्तरावरील सहसचिव स्तरावरील अधिकाऱ्यांची व्हिडिओ कॉन्फरन्सिंग देखील झाली.

चुशुल-मोल्दो भागातील लष्करी कमांडर यांच्यात उच्चस्तरीय चर्चेबद्दल परराष्ट्र मंत्रालयाने एक निवेदन जारी केले आहे. दोन्ही पक्षांमधील चर्चा सौहार्दपूर्ण आणि सकारात्मक वातावरणात पार पडली. त्याच वेळी, विद्यमान रिझोल्यूशन यंत्रणेच्या मदतीने सैन्य तणावाची परिस्थिती सोडविण्यास दोन्ही देश सहमत आहेत. भारत आणि चीनने मुत्सद्दी व लष्करी पातळीवरही यावर चर्चा सुरू ठेवण्याविषयी बोलले आहेत, असे निवेदनात म्हटले आहे.

वास्तविक नियंत्रण रेषेवरील तणाव बर्‍याच ठिकाणी चर्चेत आला आहे आणि लडाखमधील गालवान व्हॅली व्यतिरिक्त पांगोंग लेकच्या आसपासचा तणाव आता जवळपास एक महिना सुरू आहे. भारत आणि चीन यांच्यातील संबंधांचा 70 वा वर्धापनदिन साजरा होत असताना सीमेवर तणावाची परिस्थिती आहे. 70 व्या वर्धापनदिनानिमित्त चालू वर्षातील तणाव कमी करणे, परस्पर संबंधांच्या उन्नतीसाठी उपयुक्त ठरेल यावरही दोन्ही बाजू सहमत आहेत, असे परराष्ट्र मंत्रालयाने म्हटले आहे.