India Corona Update: कोरोना‌ विस्फोट ! 24 तासांत विक्रमी 49,310 नव्या रुग्णांची नोंद, मृतांची संख्या 30,601 वर

एमपीसी न्यूज- देशातील कोरोना रुग्णांची संख्या दिवसेंदिवस नवा उच्चांक गाठत आहे. देशभरात गेल्या 24 तासांत आजवरची सर्वाधिक 49,310 नव्या रुग्णांची नोंद झाली आहे. तसेच मागील 24 तासांत 740 मृत्यू झाले असून देशातील एकूण मृतांची संख्या 30,601 वर पोहोचली आहे.

केंद्रीय आरोग्य मंत्रालयाने जाहीर केलेल्या आकडेवारीनुसार, देशातील एकूण कोरोना बाधितांची संख्या 12,87,945 झाली आहे. त्यापैकी 4,40,135 रुग्णांवर उपचार सुरू आहेत. दिलासादायक बाब म्हणजे देशातील 8,17,209 रुग्ण कोरोनामुक्त झाले आहेत. मागील 24 तासांत देशात 740 कोरोना रुग्णांचा मृत्यू झाला असून देशातील मृतांची संख्या 30,601 वर पोहोचली आहे.

Highest single-day spike of 49,310 cases and 740 deaths reported in India in the last 24 hours.

Total #COVID19 positive cases stand at 12,87,945 including 4,40,135 active cases, 8,17,209 cured/discharged/migrated & 30,601 deaths: Health Ministry pic.twitter.com/veE2V1JgH9

— ANI (@ANI) July 24, 2020

आयसीएमआरने दिलेल्या माहितीनुसार, देशात आजवर 1,54,28,170 नमुने तपासण्यात आले आहेत. त्यापैकी 3,52,801 चाचण्या या 23 जुलै रोजी करण्यात आल्या आहेत.

The total number of #COVID19 samples tested up to 23rd July is 1,54,28,170 including 3,52,801 samples tested yesterday: Indian Council of Medical Research (ICMR) pic.twitter.com/Qbxrxw7e0B

— ANI (@ANI) July 24, 2020

देशात सर्वाधिक रूग्ण असलेली पाच राज्ये (कंसात मृत्यू)

महाराष्ट्र – 3,47,502 (12,854)

तमिळनाडू – 1,92,964 (3,232)

दिल्ली – 1,27,364 (3,745)

कर्नाटक – 80,863 (1,616)

आंध्र प्रदेश – 72,711 (884)

देशात कोरोनाबाधितांची संख्या दिवसेंदिवस वाढत असली तरी बरे होणाऱ्या रुग्णांची संख्या देखील वाढत आहे. मागील 24 तासांत देशात 34,602 रुग्ण कोरोनामुक्त झाले आहेत.

धक्कादायक बाब म्हणजे 12 ते 15 दिवसांत कोरोनाचा संसर्ग होण्यासाठी लागणारा वेग आता 3 ते 2 दिवसांवर आला आहे. गेल्या तीन दिवसांत सर्वाधिक कोरोनाच्या नवीन रुग्णांची नोंद करण्यात आली आहे. रिकव्हरी रेट चांगला असला तरीही संसर्ग होण्याचा वेग कमी झाला नाही.