India Corona Update : कोरोना रुग्णवाढ थांबेना, चोवीस तासांत वाढले 1,61,736 रुग्ण
एमपीसी न्यूज – देशात कोरोना रुग्णवाढ काही केल्या थांबेना. गेल्या 24 तासांत देशभरात तब्बल 1 लाख 61 हजार 736 नव्या कोरोनाबाधित रुग्णांची वाढ झाली आहे. यासह देशातील एकूण रुग्णांची संख्या 1 कोटी 36 लाख 89 हजार 453 एवढी झाली आहे.
आरोग्य मंत्रालयाच्या हवाल्याने एएनआयने प्रसिद्ध केलेल्या आकडेवारीनुसार, देशातील एकूण कोरोनाबाधित रुग्णांपैकी 1 कोटी 22 लाख 53 हजार 697 जण कोरोनामुक्त झाले आहेत. गेल्या 24 तासांत 97 हजार 168 बरे झालेल्या रुग्णांना डिस्चार्ज देण्यात आला. देशाचा रिकव्हरी रेट सध्या 89.86 टक्के एवढा झाला आहे.
India reports 1,61,736 new #COVID19 cases, 97,168 discharges and 879 deaths in the last 24 hours, as per Union Health Ministry
Total cases: 1,36,89,453
Total recoveries: 1,22,53,697
Active cases: 12,64,698
Death toll: 1,71,058Total vaccination: 10,85,33,085 pic.twitter.com/ndxnchFoIp
— ANI (@ANI) April 13, 2021
मागील 24 तासांत 879 रुग्णांचा कोरोनामुळे मृत्यू झाला. आतापर्यंत 1 लाख 71 हजार 058 जण कोरोनामुळे मृत्यूमुखी पडले आहेत. देशाचा कोरोना मृत्यूदर 1.25 टक्के एवढा आहे. देशात आजवर 25 कोटी 92 लाख 07 हजार 108 नमूने तपासण्यात आले आहेत. त्यापैकी 14 लाख 122 चाचण्या सोमवारी (दि.12) करण्यात आल्या आहेत. आयसीएमआरने याबाबत आकडेवारी प्रसिद्ध केली आहे.
25,92,07,108 samples have been tested for #COVID19 in the country up to April 12 including 14,00,122 samples tested yesterday: Indian Council of Medical Research (ICMR) pic.twitter.com/mOmOihh5TM
— ANI (@ANI) April 13, 2021
देशात लसीकरण कार्यक्रमाअंतर्गत आतापर्यंत देशात 10 कोटी 85 लाख 33 हजार 085 जणांना कोरोना प्रतिबंधक लस टोचण्यात आली आहे.
