India Corona Update : देशातील 60.74 लाख रुग्णापैकी 50.16 लाख झाले कोरोनामुक्त
एमपीसी न्यूज – देशातील एकूण कोरोना रुग्णांची संख्या 60 लाखांच्या पुढे गेली आहे. दिलासादायक बाब म्हणजे त्यापैकी 50.16 लाख रुग्ण उपचारानंतर बरे झाले आहेत. मागील 24 तासांत देशभरात 82 हजार 170 नव्या कोरोना रुग्णांची नोंद झाली असून 1,039 रुग्णांचा कोरोनामुळे मृत्यू झाला आहे.
केंद्रीय आरोग्य मंत्रालयाने जाहीर केलेल्या आकडेवारीनुसार, देशातील एकूण कोरोना बाधितांची संख्या 60 लाख 74 हजार 703 एवढी झाली असून त्यापैकी 50 लाख 16 हजार 521 रुग्णांनी कोरोनावर मात केली आहे. देशात सध्या 9 लाख 62 हजार 640 सक्रिय रुग्णांवर उपचार सुरू आहेत.
India's #COVID19 tally crosses 60-lakh mark with a spike of 82,170 new cases & 1,039 deaths reported in the last 24 hours.
Case tally stands at 60,74,703 including 9,62,640 active cases, 5,01,6521 cured/discharged/migrated & 95,542 deaths: Ministry of Health & Family Welfare pic.twitter.com/pxCS5ar40u
— ANI (@ANI) September 28, 2020
देशभरात मागील 24 तासांत 74 हजार 493 रुग्ण कोरोनामुक्त झाले आहेत. देशाचा रिकव्हरी रेट सध्या 82.58 टक्के एवढा आहे. मागील 24 तासांत देशभरात 1,039 रुग्णांचा कोरोनामुळे मृत्यू झाला आहे. आतापर्यंत 95 हजार 542 रुग्ण दगावले आहेत. देशाचा मृत्यूदर 1.57 टक्के एवढा आहे.
