India Corona Update: एका दिवसात विक्रमी 75,760 नवे रुग्ण, एकूण बाधितांची संख्या 33 लाखांच्या वर
आकडेवारीनुसार देशात सध्या 7,25,991 संक्रमित रुग्णांवर उपचार सुरु आहेत. ज्याचे प्रमाण 21.93 टक्के आहे.
एमपीसी न्यूज- देशात मागील 24 तासांत कोविड-19 चे विक्रमी 75 हजारहून अधिक रुग्ण आढळून आले आहेत. त्यामुळे गुरुवारी एकूण बाधितांची संख्या 33 लाखांपार गेली आहे. तर या विषाणूतून मुक्त होणाऱ्यांच्या संख्येनेही 25 लाखांचा आकडा पार केला आहे.
केंद्रीय आरोग्य मंत्रालयाने सकाळी 8 वाजता जारी केलेल्या आकडेवारीनुसार मागील 24 तासांत विक्रमी 75,760 नवीन प्रकरणे समोर आली आहे. यामुळे बाधितांची संख्या ही 33,10,234 इतकी झाली आहे. याच कालावधीत 1023 जणांचा मृत्यू झाला आहे. मृतांचा एकूण आकडा हा 60,472 इतका झाला आहे.
India's #COVID19 case tally crosses 33 lakh mark with 75,760 fresh cases and 1,023 deaths, in the last 24 hours.
The COVID-19 case tally in the country rises to 33,10,235 including 7,25,991 active cases, 25,23,772 cured/discharged/migrated & 60,472 deaths: Ministry of Health pic.twitter.com/Yt2C72oXcL
— ANI (@ANI) August 27, 2020
देशात आतापर्यंत 25,23,771 रुग्ण बरे झाले आहेत आणि बरे होण्याचा दर हा 76.24 टक्के इतका झाला आहे. तर मृत्यू दरही घटून 1.83 टक्के झाला आहे.
आकडेवारीनुसार देशात सध्या 7,25,991 संक्रमित रुग्णांवर उपचार सुरु आहेत. ज्याचे प्रमाण 21.93 टक्के आहे. भारतात 7 ऑगस्ट रोजी संक्रमित रुग्णांची संख्या 20 लाखांच्या वर गेली होती. 23 ऑगस्टला हा आकडा 30 लाखांच्या पुढे गेला.
The total number of samples tested up to 26th August is 3,85,76,510 including 9,24,998 samples tested yesterday: Indian Council of Medical Research (ICMR)#COVID19 pic.twitter.com/i6ogldlJno
— ANI (@ANI) August 27, 2020
आयसीएमआरनुसार देशात 26 ऑगस्टपर्यंत 3,85,76,510 नमुन्यांची चाचणी झाली त्यातील 9,24,998 नमुन्यांची चाचणी ही बुधवारी करण्यात आली.