Kalewadi : महाराष्ट्र केसरीसाठी निवड चाचणी काळेवाडी पिंपरी येथे संपन्न
एमपीसी न्यूज -जालना येथे होणा-या 62 व्या राज्य अजिंक्यपद महाराष्ट्र केसरी कुस्ती स्पर्धेसाठी पिंपरी चिंचवड शहरातील पैलवानांची निवड चाचणी स्पर्धा शनिवारी काळेवाडी पिंपरी येथे घेण्यात आली. महाराष्ट्र केसरी खुल्या गटात माती विभागातून पै. संतोष सुरेश नखाते याने पै. शाह फैझल कुरेशी याला चितपट केले. तर गादी विभागात पै. किशोर हिरामण नखाते याने पै. प्रमोद मांडेकर याच्यावर विजय मिळवून आपला प्रवेश निश्चित केला. तसेच जानेवारी 2019 ला मुंबईत होणाऱ्या सीएम चषकसाठी पै. किशोर नखाते व पै. प्रसाद सस्ते यांची निवड झाली.
पिंपरी चिंचवड शहरातील कुस्तीपटूंची निवड चाचणी स्पर्धा पिंपरी चिंचवड कुस्तीगीर संघ व कै. हनुमंतराव गंगाराम तापकीर प्रतिष्ठान यांच्या वतीने काळेवाडी पिंपरी येथे आयोजित करण्यात आली हेाती. यावेळी आखाडा पुजन पिंपरी चिंचवड कुस्तीगीर संघाचे अध्यक्ष हनुमंत गावडे यांच्या हस्ते करण्यात आले. पहिली कुस्ती उद्योजक शंकर जगताप यांच्या हस्ते लावण्यात आली. समारोप प्रसंगी पिंपरी चिंचवड कुस्तीगीर संघाच्या वतीने पै. जयराम उर्फ जयवंत बाबूराव नढे यांना ‘जीवन गौरव’ पुरस्कार प्राधिकरणाचे माजी अध्यक्ष बाबासाहेब तापकीर यांच्या हस्ते देऊन गौरविण्यात आले.
सी. एम. चषक महिला गट
48 किलो प्रतीक्षा लांडगे वि. वि. सारिका माळी
54 किलो स्वप्नाली काळभोर वि. वि. आरती बांबे