Lonavala : पाटणच्या महिला सरपंचाला जातीवाचक शिवीगाळ  करत मारहाण

रुपाली मंगेश पटेकर (वय २८, रा. पाटण, ता.मावळ, जिल्हा पुणे) यांनी दिलेल्या फिर्यादीवरुन पाटण गावातील शंकर दिनकर तिकोने व बबन भवानजी तिकोने (दोघेही राहणार पाटण, ता. मावळ) यांच्यावर भादंवी कलम ३२४, ३२३, ३५४, ५०४, ५०६, ३४ व अनुसूचित जाती अनुसूचित जमाती अत्याचार प्रतिबंधक अधिनियम १९८९ कलम ३(१)(११) प्रमाणे गुन्हा दाखल करण्यात आला आहे.

तसेच रुपाली पटेकर यांना हाताला धरुन अंगावर ओढून मनाला लज्जा निर्माण होईल अशा प्रकारे झटापट करून मिठी मारत विनयभंग केला. त्यानंतर घराशेजारच्या काटेतारेवर धकलून देत जखमी केले. यापूर्वी सुद्धा अनेक वेळा रुपाली पटेकर यांना गावातील प्रतिष्ठीत नागरिक व ग्रामपंचायत सदस्य यांनी मानसिक त्रास दिल्याच्या घटना घडल्या आहेत.

याप्रकरणी पटेकर यांच्या तक्रारीवरुन लोणावळा ग्रामीण पोलीस ठाण्यात गुन्हा दाखल करण्यात आला असून लोणावळा उपविभागीय पोलीस अधिकारी ज्ञानेश्वर शिवथरे तपास करत आहेत