Lonavala : आडोशी बोगद्याजवळ ट्रक उलटल्याने एक्सप्रेस वेवर वाहतूककोंडी
एमपीसी न्यूज : आज सायंकाळी सव्वाचार वाजण्याच्या (Lonavala) सुमारास मुंबई पुणे एक्सप्रेस वेवर आडोशी बोगद्याजवळ किमी 40/300 वर एक ट्रक ब्रेक निकामी झाल्याने रस्त्याच्या मध्ये पलटी झाला.
या अपघातात ट्रकमधील माल रस्त्यावर पडल्याने मुंबई दिशेकडे जाणारी वाहतूक खोळंबली होती. महामार्ग पोलीस, आयआरबी कर्मचारी व अन्य पथकांनी रस्त्यावरील माल बाजूला करत दोन लेन सुरु केल्या. वाहतूक धिम्म्या गतीने सुरु झाली आहे. या अपघातामुळे एक्सप्रेस वेवर दिड ते दोन किमी अंतरापर्यंत वाहनांच्या रांगा लागल्या होत्या.
